ഇംഗ്ലീഷ് പ്രീമിയർ ലീഗിൽ ന്യൂകാസിൽ യുണൈറ്റഡിനെതിരെ സമനില വഴങ്ങി ആഴ്സണൽ

ഇംഗ്ലീഷ് പ്രീമിയർ ലീഗിൽ ന്യൂകാസിൽ യുണൈറ്റഡിനെതിരെ സമനില വഴങ്ങി ആഴ്സണൽ. ന്യൂകാസിലിന്റെ തട്ടകത്തിൽ നടന്ന മത്സരത്തിൽ ഇരുടീമുകളും രണ്ട് ഗോൾ വീതം നേടി. ആദ്യ പകുതിയിൽ ഒരു ഗോളിന് പിന്നിലായിരുന്ന ന്യൂകാസിൽ രണ്ടാം പകുതിയിൽ രണ്ട് ഗോളുകൾ നേടി തിരിച്ചെത്തിയെങ്കിലും ആഴ്സണൽ സമനില പിടിച്ചെടുത്തു.
33-ാം മിനിറ്റിൽ എബെറെച്ചി ഈസെയിലൂടെ ആഴ്സണലാണ് ആദ്യം ലീഡ് നേടിയത്. രണ്ടാം പകുതിയിൽ ശക്തമായി തിരിച്ചടിച്ച ന്യൂകാസിൽ 49-ാം മിനിറ്റിൽ ഹാർവി ബാൺസിലൂടെ സമനില നേടി. 62-ാം മിനിറ്റിൽ മാലിക് തിയാവിന്റെ ഗോളിലൂടെ ആതിഥേയർ ലീഡും സ്വന്തമാക്കി.
എന്നാൽ 78-ാം മിനിറ്റിൽ നോനി മഡൂക്കെയിലൂടെ ആഴ്സണൽ സമനില ഗോൾ കണ്ടെത്തി. ഇതോടെ മത്സരം 2–2ന് അവസാനിച്ചു. സമനിലയോടെ ആഴ്സണൽ പോയിന്റ് പട്ടികയിൽ ഒന്നാം സ്ഥാനം നിലനിർത്തുകയും ചെയ്തു. 11 മത്സരങ്ങളിൽ നിന്ന് 28 പോയിന്റാണ് ടീമിനുള്ളത്. 13 പോയിന്റുമായി ന്യൂകാസിൽ 12-ാം സ്ഥാനത്താണുള്ളത്.
"
https://www.facebook.com/Malayalivartha

























