ഐഎസ്എല്ലില്‍ ആദ്യ ജയം തേടി മുംബൈ എഫ്.സി. ഇന്ന് കരുത്തരായ ചെന്നൈയിന്‍ എഫ്.സിയെ നേരിടും. എഫ്.സി.ഗോവയെ മറുപടിയില്ലാത്ത നാലുഗോളിന് തകര്‍ത്തതിന്റെ ആവേശത്തിലാണ് ചെന്നൈയിന്‍ ഇറങ്ങുന്നത്. കൊല്‍ക്കത്തയോടും ഡല്‍ഹിയോടും പരാജയപ്പെട്ട ശേഷമായിരുന്നു ചെന്നൈയിന്റെ ഗംഭീര തിരിച്ചുവരവ്. മുംബൈ എഫ്.സി. ആദ്യ മല്‍സരത്തില്‍ പുണെയോട് തോറ്റെങ്കിലും രണ്ടാം മല്‍സരത്തില്‍ കേരള ബ്ലാസ്‌റ്റേഴ്‌സിനെതിരെ ഗോള്‍ രഹിത സമനില പിടിച്ചു.
മുന്നേറ്റത്തില്‍ സോണി നോര്‍ദെയും നാലു വിദേശതാരങ്ങള്‍ അണിനിരക്കുന്ന പ്രതിരോധവുമാണ് മുംബൈയുടെ കരുത്ത്. പനി മാറിയെത്തുന്ന മാര്‍ക്വി താരവും പരിശീലകനുമായ നിക്കോളാസ് അനല്‍കെ മുംബൈയ്ക്കായി ഇന്ന് കളിച്ചേക്കും. അതേസമയം ബ്രസീല്‍ താരം ആന്ദ്രേ മോറിറ്റ്‌സ് നാട്ടിലേക്ക് മടങ്ങിയത് മധ്യനിരയുടെ കരുത്ത് കുറയ്ക്കും. ശക്തമായ മുന്നേറ്റനിരയാണ് ചെന്നൈയിന്റെ പ്ലസ് പോയിന്റ്. മുംബൈയുടെ ഹോംഗ്രൗണ്ടായ ഡി.വൈ.പാട്ടീല്‍ സ്‌റ്റേഡിയത്തില്‍ വൈകീട്ട് ഏഴിനാണ് മല്‍സരം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha