ലീഗ് കപ്പ് ഫുട്ബോള് സെമി ഫൈനലില് മാഞ്ചസ്റ്റര് സിറ്റിയെ എവര്ടണ് അട്ടിമറിച്ചു
ലീഗ് കപ്പ് ഫുട്ബോള് സെമി ഫൈനലില് മാഞ്ചസ്റ്റര് സിറ്റിയെ എവര്ട്ടണ് അട്ടിമറിച്ചു. എവര്ടണ് സ്വന്തം ഗുഡിസണ് പാര്ക്കില് സിറ്റിയെ 2-1ന് കീഴടക്കി. റൊമേലു ലൂക്കാക്കുവിന്റെ ഗോളിലായിരുന്നു എവര്ടണിന്റെ ജയം. എവര്ട്ടണിനുവേണ്ടി റാമിറോ ഫ്യൂനെസ് മോറി (45+1), ലൂക്കാക്കു (78) എന്നിവര് ഗോള് നേടി. ജീസസ് നവാസ് (76) വകയായിരുന്ന സിറ്റിയുടെ ഗോള്. 1984നുശേഷം ലീഗ് കപ്പ് ഫൈനല് പ്രതീക്ഷിക്കുന്ന എവര്ട്ടണിന് രണ്ടാം പാദത്തില് എത്തിഹാദ് സ്റ്റേഡിയത്തിലെത്തുമ്പോള് ഒരു ഗോളിന്റെ ആനുകൂല്യമുണ്ട്. എന്നാല് സിറ്റിക്ക് എവര്ടണിന്റെ വല കുലുക്കാനായത് അവര്ക്കും ആശ്വാസം നല്കുന്നു. ആദ്യ പകുതി അവസാനിക്കാന് സെക്കന്ഡുകള് ശേഷിക്കേ എവര്ട്ടണെ പ്രതിരോധക്കാരന് മോറി മുന്നിലെത്തിച്ചു. റോസ് ബാര്ക്ക്ലിയുടെ ഷോട്ട് സിറ്റി ഗോളി വില്ലി കാബ്ലെറോ തട്ടിയകറ്റി. എന്നാല് ആ പന്ത് മോറി വലയിലേക്കു തന്നെ തൊടുത്തു.
രണ്ടാം പകുതിയില് ധാരാളം അവസരങ്ങള് ഉണ്ടാക്കിയെടുക്കാന് സിറ്റിക്കായി. അതിന്റെ ഫലമായി സിറ്റി നവാസിലൂടെ സമനില പിടിച്ചു. സെര്ജിയോ അഗ്വേറോയുടെ പാസില്നിന്നുമായിരുന്നു ഗോള്. എന്നാല് ഈ സമനിലയുമായി കളി പൂര്ത്തിയാക്കാന് സിറ്റിക്കായില്ല. ബെല്ജിയന് താരം ലൂക്കാക്കുവിന്റെ ഗോളില് എവര്ടണ് ലീഡ് സ്വന്തമാക്കി. സിറ്റിയായിരുന്നു 2014ലെ ലീഗ് കപ്പ് ചാമ്പ്യന്മാര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
