യുവേഫ ചാമ്പ്യന്‍സ് ലീഗിന്റെ രണ്ടാം സെമിയിലെ ആദ്യപാദത്തില്‍ ഇന്ന് ബയണ്‍ മ്യൂനിക് അത്‌ലറ്റിക്കോ മാഡ്രിഡിനെ നേരിടും. അത്‌ലറ്റികോയുടെ തട്ടകമായ വിചെന്റെ കാല്‍ടെരോണ്‍ സ്‌റ്റേഡിയത്തിലാണ് മത്സരം. ആക്രമണവും പ്രതിരോധവും തമ്മിലുള്ള പോരാട്ടമായാണ് ഈ മത്സരത്തെ വിശേഷിപ്പിക്കുന്നത്. ബയണിന്റെ ആക്രമണവും അത്‌ലടികൊയുടെ പ്രതിരോധവും,പൊടിപാറുന്ന മത്സരമാകും ഇത് എന്നതില്‍ സംശയമില്ല. ബുന്ദെസ് ലീഗയില്‍ കിരീടത്തോടടുക്കുന്ന ബയണ്‍ ആത്മവിശ്വാസത്തിന്റെ നെറുകയിലാണ്. സീസണില്‍ 'ട്രെബിള്‍' കിരീട നേട്ടത്തില്‍ കുറഞ്ഞതൊന്നും ഗാര്‍ഡിയോളയുടെ സംഘത്തിന് നോട്ടമില്ല. മറുവശത്ത് അത്‌ലടിക്കോ സ്പാനിഷ് കിരീടത്തിനായി പൊരുതിക്കൊണ്ടിരിക്കുകയാണ്. പരുക്കേറ്റിരുന്ന ബോട്ടെങ്ങും റോബനും ഇന്ന് ഇറങ്ങുമോ എന്ന് മാത്രമാണ് ബയണിന്റെ ആശങ്ക. മറുഭാഗത്ത് പ്രതിരോധക്കാരന്‍ ഗോഡിന്‍ പരുക്കേറ്റു വിശ്രമത്തിലാണ്. നാല്പത്തി രണ്ടു വര്‍ഷം മുന്‍പുള്ള ഒരു മുറിവും അത്‌ലട്ടിക്കോയ്ക്ക് ഉണക്കുവാനുണ്ട്. അന്ന് ബയണ്‍ 41 നാണ് അത്‌ലട്ടിക്കൊയെ തകര്‍ത്തത്.ഇന്ത്യന്‍ സമയം രാത്രി 12:15 നാണ് മത്സരം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha