കോപ്പ അമേരിക്ക കപ്പില്‍ നിന്നും പിന്മാറുമെന്ന് അര്‍ജന്റീന ഫുട്‌ബോള്‍ അസോസിയേഷന്‍
നൂറാം വാര്‍ഷിക കോപ്പ അമേരിക്ക കപ്പില്‍ നിന്ന് പിന്മാറുമെന്ന് അര്‍ജന്റിനീയന്‍ ഫുട്‌ബോള്‍ അസോസിയേഷന്റെ ഭീഷണി. ഫുട്‌ബോള്‍ അസോസിയേഷന്റെ പ്രവ!ര്‍ത്തനങ്ങളില്‍ സര്‍ക്കാര്‍ ഇടപെടുന്നു എന്നാരോപിച്ചാണ് ഭീഷണി. ലയണല്‍ മെസ്സിയും അര്‍ജന്റീനയുമില്ലാത്ത കോപ്പ അമേരിക്കയെക്കുറിച്ച് ചിന്തിക്കാനാവില്ല. എന്നാല്‍ ഇങ്ങനെ ചിന്തിക്കേണ്ടിവരുമെന്നാണ് അര്‍ജന്റിനീയന്‍ ഫുട്‌ബോള്‍ അസോസിയേഷന്‍ പറയുന്നത്.
ശതാബ്ദി കോപ്പ അമേരിക്കയില്‍ പന്തുരുളാന്‍ രണ്ടുദിവസം മാത്രം ശേഷിക്കേയാണ് ഫുട്‌ബോള്‍ അസോസിയേഷന്റെ ഭീഷണി. അസോസിയേഷന്റെ പ്രവര്‍ത്തനങ്ങളില്‍ അര്‍ജന്റൈന്‍ സര്‍ക്കാര്‍ ഇടപെടുന്നതില്‍ പ്രതിഷേധിച്ചാണ് ഫുട്‌ബോള്‍ അസോസിയേഷന്റെ നടപടി.
കാലിഫോര്‍ണിയയില്‍ പരിശീലനം നടത്തുന്ന ടീമിനോട് നാട്ടിലേക്ക് മടങ്ങാന്‍ ആവശ്യപ്പെടുമെന്ന് അര്‍ജന്റിനീയന്‍ ഫുട്‌ബോള്‍ അസോസിയേഷന്‍ എക്‌സിക്യൂട്ടീവ് സെക്രട്ടറി ഡാമിയന്‍ ഡ്യൂപിലെറ്റ് പറഞ്ഞു. ടെലിവിഷന്‍ സംപ്രേഷണാവകാശ വരുമാനത്തില്‍ തിരിമറി നടത്തിയെന്ന കാരണം ചൂണ്ടിക്കാട്ടി ഫുട്‌ബോള്‍ അസോസിയേഷന്റെ തെരഞ്ഞെടുപ്പ് കഴിഞ്ഞദിവസം സര്‍ക്കാര്‍ റദ്ദാക്കിയിരുന്നു. ഇതാണ് ഫുട്‌ബോള്‍ അസോസിയേഷനെ പ്രകോപിപ്പിച്ചത്. തിങ്കളാഴ്ച നിലവിലെ ജേതാക്കളായ ചിലിക്കെതിരെയാണ് അര്‍ജന്റീനയുടെ ആദ്യമത്സരം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
