കരുത്തന്‍മാര്‍ ഏറ്റുമുട്ടിയ ലോകകപ്പ് യോഗ്യതാറൗണ്ടില്‍ ബ്രീസീലിനും അര്‍ജന്റീനക്കും ജയം. ബ്രസീല്‍ ഉറുഗ്വായെ 41 ന് തകര്‍ത്തെറിഞ്ഞപ്പോള്‍ ചിലിക്കെതിരെ ഏകപക്ഷീയമായ ഒരു ഗോളിനാണ് അര്‍ജന്റീന വിജയം കണ്ടത്.

ബ്രസീല്‍ ഉറുഗ്വ മത്സരത്തിലെ ആദ്യ ഗോള്‍ ഉറുഗ്വയുടെ വകയായിരുന്നു. 9ാം മിനിറ്റില്‍ ഉറുഗ്വായുടെ കവാനിയാണ് ബ്രസീല്‍ വലകുലുക്കിയത്. പിന്നീടങ്ങോട്ട് ചിത്രത്തില്‍ ഉറുഗ്വ ഇല്ലായിരുന്നു. എണ്ണം പറഞ്ഞ നാലു ഗോളുകളിലൂടെ ബ്രസീല്‍ നിറഞ്ഞാടി. പൗളിഞ്ഞോയുടെ ഹാട്രിക്കിലാണ് ബ്രസീല്‍ മികച്ച വിജയം നേടിയത്. 19, 52, 90 മിനിറ്റുകളില്‍ പൗളീഞ്ഞോ ഉറുഗ്വയുടെ പതനത്തിനു മേല്‍ ആണികളടിച്ചപ്പോള്‍ 74ാം മിനിറ്റില്‍ നെയ്മറും ബ്രസീല്‍ ഗോള്‍പട്ടിക ചലിപ്പിച്ചു.

ക്യാപ്റ്റന്‍ ലയണണല്‍ മെസി 16ാം മിനിറ്റില്‍ നേടിയ പെനാല്‍റ്റി ഗോളിലൂടെയാണ് അര്‍ജന്റീന ചിലിയെ പരാജയപ്പെടുത്തിയത്.