സഹതാരത്തെ ആക്രമിച്ച് ഫുട്ബോള് താരം നെയ്മര്
ബാര്സിലോണയുടെ ട്രെയിനിങ് ക്യാമ്പില് സഹതാരത്തെ അടിച്ച ശേഷം നെയ്മര് ഇറങ്ങിപ്പോയി. ബാര്സ താരം ഫ്രഞ്ച് ലീഗ് വണ് ക്ലബ് പാരിസ് സെന്റ് ജര്മെയ്നിലേക്കു ചേരുന്നതിന്റെ അവസാന ഘട്ടത്തിലാണെന്ന റിപ്പോര്ട്ടുകള്ക്കിടെയാണ് പരിശീലന ക്യാംപില് നിന്നുള്ള ഇറങ്ങിപ്പോക്ക്.
ഇന്റര്നാഷണല് ചാമ്പ്യന്സ് കപ്പില് ചിരവൈരികളായ റയല് മഡ്രിഡുമായി കളിക്കാനുള്ള ബാര്സയുടെ പരിശീലനത്തില്നിന്നാണ് നെയ്മര് ഇറങ്ങിപ്പോയത്.
മിയാമിയില് ടീം പരിശീലനം നടത്തുന്നതിനിടെ സഹതാരം നെല്സണ് സെമേഡോയുമായി അടിപിടി ഉണ്ടാക്കിയ ശേഷം ശരീരത്ത് ധരിക്കുന്ന ബിബ് വലിച്ചൂരിയെറിഞ്ഞാണ് നെയ്മര് കളത്തിനു പുറത്തേക്കു പോയത്. കളിക്കളത്തില് നെയ്മറിന്റെ മോശം പെരുമാറ്റം പതിവാണ്. പലപ്പോഴും ചുവപ്പ് കാര്ഡ് കണ്ട് താരം പുറത്ത് ആവാറുണ്ട്.
നെയ്മറുടെ രോഷപ്രകടനം സഹതാരങ്ങളെയും പരിശീലകരെയും അമ്പരപ്പിച്ചു. പിഎസ്ജിയിലേക്കു നെയ്മര് നീങ്ങുന്ന കാര്യം ഏറെക്കുറെ ഉറപ്പായ വേളയിലാണ് ഈ മോശം പെരുമാറ്റവും.
നിലവില് ബാര്സയുമായി കരാറുള്ള നെയ്മറെ വിട്ടുകിട്ടുന്നതിനുവേണ്ടി 1641 കോടിയോളം രൂപയാണ് പിഎസ്ജി മുടക്കി എന്നാണ് റിപ്പോര്ട്ടുകള്.
https://www.facebook.com/Malayalivartha
