ആളൊഴിഞ്ഞ ഗ്യാലറിയെ സാക്ഷിയാക്കി ബാർസ കളി ജയിച്ചു
സ്പെയിനിലെ കാറ്റലോണിയയിൽ നടക്കുന്ന ഹിതപരിശോധന തെരുവുസംഘർഷമായതിനെ തുടർന്ന് ആളൊഴിഞ്ഞ ഗ്യാലറിയിൽ നടന്ന ലാ ലിഗ മത്സരത്തിൽ ബാഴ്സക്ക് ജയം. ലയണൽ മെസ്സിയുടെ ഇരട്ട ഗോൾ മികവിൽ എതിരില്ലാത്ത മൂന്ന് ഗോളിനാണ് ബാർസ ലാസ് പാൽമാസിനെ തോൽപ്പിച്ചത്.
തുടർച്ചയായ ഏഴാം ജയവുമായി ബാഴ്സ പോയൻറ് പട്ടികയിൽ ഒന്നാം സ്ഥാനത്തെത്തി. ഗോൾരഹിതമായ ഒന്നാം പകുതിക്കുശേഷം നാല്പത്തൊന്നാം മിനിറ്റിൽ സെർജിയോ ബുസ്കറ്റ്സ് ആദ്യ ഗോൾ നേടി തുടർന്ന് 70, 77 മിനിറ്റിലാണ് മെസ്സി സ്കോർ ചെയ്തത്.
കാറ്റലോണിയ ഹിതപരിശോധനക്കിടെ നടന്ന സംഘർഷത്തെത്തുടർന്ന് മത്സരം മാറ്റിവെക്കുമെന്ന അഭ്യൂഹമുണ്ടായിരുന്നു എന്നാൽ ബോർഡ് മീറ്റിങ്ങിൽ കാണികളെ ഒഴിവാക്കി മത്സരം നടത്താൻ തീരുമാനിക്കുകയായിരുന്നു.
https://www.facebook.com/Malayalivartha