കാൽപന്തുകളിയുടെ ആവേശം നെഞ്ചിലേറ്റാൻ ഇനി ഏതാനും ദിവസങ്ങൾ മാത്രം ബാക്കി. ഇന്ത്യൻ ടീം ആദ്യമായി ഫിഫാ ടൂർണമെന്റിൽ കളിക്കുന്നതിന്റെ ആവേശത്തിലാണ് ഓരോ ഇന്ത്യൻ ഫുട്‌ബോൾ പ്രേമിയും . 

വെള്ളിയാഴ്ച അമേരിക്കക്കെതിരെ നടക്കുന്ന മത്സരത്തോടെയാണ് ഇന്ത്യ അണ്ടർ 17 ലോകകപ്പിൽ അരങ്ങേറുക. കരുത്തരായ ഘാനയും കൊളംബിയയുമാണ് ഇന്ത്യയുടെ മറ്റ് എതിരാളികൾ.

ടീം ആത്മവിശ്വാസത്തിലാണെന്നും കൂട്ടായ്മയിലൂടെ ലോകകപ്പിൽ മികവുകാട്ടാനാകും എന്ന് പ്രതിരോധതാരം സഞ്ജീവ് സ്റ്റാലിൻ പറഞ്ഞു. കാണികളുടെ മികച്ച പിന്തുണ ഉണ്ടാകുമെന്നും അദ്ദേഹം വ്യക്തമാക്കി.
പോർച്ചുഗീസുകാരനായ ലൂയിസ് നോർട്ടൺ ഡി മാറ്റോസിന്റെ ശിക്ഷണത്തിലാണ് ഇന്ത്യ ടീം ലോകകപ്പിന് ഒരുങ്ങുന്നത്.