മാനവിക വിഷയങ്ങളിൽ ജൂനിയർ റിസേർച്ച് ഫെലോഷിപ്പിനും (JRF) കോളേജ് അധ്യാപനത്തിനുമുള്ള ദേശീയ യോഗ്യതാ പരീക്ഷയായ യുജിസിയുടെ നാഷണൽ എലിജിബിലിറ്റി ടെസ്റ്റിന്(NET) ഇന്ന് മുതൽ അപേക്ഷിക്കാം. 2017 ജനുവരി 22നായിരിക്കും പരീക്ഷ. സിബിഎസ്ഇക്കാണ് പരീക്ഷയുടെ നടത്തിപ്പ് ചുമതല.
നവംബർ 16 ആണ് അപേക്ഷിക്കേണ്ട അവസാന തീയതി. www.cbsenet.nic.in എന്നീ വെബ്സൈറ്റിലൂടെ ഓൺലൈനായാണ് അപേക്ഷകൾ സമർപ്പിക്കേണ്ടത്. നവംബർ 17 ആണ് ഫീസ് അടയ്ക്കാനുള്ള അവസാന തീയതി.
ഓൺലൈൻ അപേക്ഷാ തിരുത്തലുകൾക്കുള്ള സമയം- നവംബർ 22- 29
അഡ്മിറ്റ് കാർഡ്- ഡിസംബർ 21
കേരളത്തിലെ പരീക്ഷ കേന്ദ്രങ്ങൾ- തിരവനന്തപുരം, കൊച്ചി, കോഴിക്കോട്
പരീക്ഷാഫീസ്:
ജനറല്‍ വിഭാഗം- 600 രൂപ
നോണ്‍ക്രീമിലെയര്‍ വിഭാഗത്തില്‍പ്പെടുന്ന ഒ.ബി.സി. വിഭാഗം- 300 രൂപ
SC/ST/PwD വിഭാഗം- 150 രൂപ
യോഗ്യത:
ബന്ധപ്പെട്ട വിഷയത്തില്‍ 55 ശതമാനം മാര്‍ക്കില്‍ കുറയാതെ ബിരുദാനന്തര ബിരുദം/ തത്തുല്യ യോഗ്യതയുള്ളവര്‍ക്കും ഫൈനല്‍ യോഗ്യതാ പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം. നോണ്‍ക്രീമിലെയര്‍ ഒ.ബി.സി, SC/ST/PwD വിഭാഗങ്ങളില്‍പ്പെടുന്നവര്‍ക്ക് യോഗ്യതാ പരീക്ഷയ്ക്ക് 50% മാര്‍ക്ക് മതിയാകും. പോസ്റ്റ് ഗ്രാജുവേഷന്‍ എടുത്ത വിഷയം / അനുബന്ധവിഷയമാവണം ടെസ്റ്റിന് അപേക്ഷിക്കേണ്ടത്.
പ്രായപരിധി:
ജൂനിയര്‍ റിസര്‍ച്ച് ഫെലോഷിപ്പിന് പ്രായം 2017 ജനവരി ഒന്നിന് 28 വയസ് കവിയാന്‍ പാടില്ല. ഒ.ബി.സി. (നോണ്‍ക്രീമിലെയര്‍)/ SC/ST/PwD, വനിതകള്‍ എന്നീ വിഭാഗങ്ങളില്‍പ്പെടുന്നവര്‍ക്ക് ഉയര്‍ന്ന പ്രായപരിധിയില്‍ 5 വര്‍ഷത്തെ ഇളവ് അനുവദിക്കും.
LLM ഡിഗ്രിയുള്ളവര്‍ക്ക് മൂന്ന് വര്‍ഷത്തെ ഇളവ് ലഭിക്കും. ഗവേഷണത്തില്‍ പ്രവൃത്തി പരിചയമുള്ളവര്‍ക്കും പരമാവധി 5 വര്‍ഷത്തെ ഇളവ് ലഭിക്കുന്നതാണ്.
അസിസ്റ്റന്റ് പ്രൊഫസ്സര്‍ നിയമനത്തിനായുള്ള നെറ്റ് പരീക്ഷയ്ക്ക് പ്രായപരിധി ഏർപ്പെടുത്തിയിട്ടില്ല.