ഈ വര്‍ഷത്തെ സിബിഎസ്ഇ 10,12 ബോര്‍ഡ് പരീക്ഷകള്‍ മാര്‍ച്ച് ഒമ്പതിലേക്ക് മാറ്റി. മാര്‍ച്ച് ഒന്നിന് ആരംഭിക്കേണ്ട പരീക്ഷകളാണ് നീട്ടിവച്ചത്. അഞ്ചു സംസ്ഥാനങ്ങളില്‍ തെരഞ്ഞെടുപ്പ് നടക്കുന്ന പശ്ചാത്തലത്തിലാണ് തീരുമാനം.
അതേസമയം, ഫലപ്രഖ്യാപനം നടത്തുന്ന ദിവസത്തിന് മാറ്റമില്ലെന്നും സിബിഎസ്ഇ അറിയിച്ചു. ഇത്തവണ 16,67,573 വിദ്യാര്‍ഥികളാണ് സിബിഎസ്ഇ 10ാം ക്ലാസ് ബോര്‍ഡ് പരീക്ഷയ്ക്ക് രജിസ്റ്റര്‍ ചെയ്തിട്ടുള്ളത്.

കഴിഞ്ഞ വര്‍ഷം ഇത് 14,91,371 പേരായിരുന്നു. ഇത്തവണ 12ാം ക്ലാസ് പരീക്ഷ എഴുതുന്നവരുടെ എണ്ണം 10,98,410 ആണ്. കഴിഞ്ഞ വര്‍ഷം ഇത് 10,65,179 പേരായിരുന്നു.