ശാസ്ത്ര വിഷയങ്ങളില്‍ ഫെല്ലോഷിപ്പോടെ ഉന്നത ഗവേഷണം, അധ്യാപനം എന്നിവയ്ക്കുള്ള നാഷനല്‍ എലിജിബിലിറ്റി ടെസ്റ്റ് (നെറ്റ്) ജൂനിയര്‍ റിസര്‍ച്ച് ഫെല്ലോഷിപ്പ് (ജെ.ആര്‍.എഫ്) പരീക്ഷ 2017 ജൂണ്‍ 18 ന് നടക്കും. യു.ജി.സിയും സെന്‍റര്‍ ഫോര്‍ സൈന്‍റിഫിക് ആന്‍റ് ഇന്‍ഡസ്ട്രിയല്‍ റിസര്‍ച്ചും (സി.എസ്.ഐ.ആര്‍), യൂണിവേഴ്‍സിറ്റി ഗ്രാന്‍റ്സ് കമ്മീഷനും (യു.ജി.സി) ചേര്‍ന്നാണ് പരീക്ഷ നടത്തുന്നത്.

നെറ്റ് നേടുന്നവര്‍ക്ക് ഉന്നതവിദ്യാഭ്യാസ സ്ഥാപനങ്ങളില്‍ ലക്‍ചര്‍ഷിപ്പിനുള്ള യോഗ്യതയും ജെ.ആര്‍.എഫ് ലഭിക്കുന്നവര്‍ക്ക് സര്‍വകലാശാലകളിലും മറ്റ് ഗവേഷണ സ്ഥാപനങ്ങളിലുമൊക്കെ ഫെല്ലോഷിപ്പോടെ ഗവേഷണത്തിനുള്ള അവസരവുമാണ് ലഭിക്കുക. രണ്ട് യോഗ്യതകള്‍ക്കുമായി പ്രത്യേക റാങ്ക് ലിസ്റ്റ് തയ്യാറാക്കും. രണ്ട് യോഗ്യതയ്ക്കും ഒരുമിച്ചോ നെറ്റിന് മാത്രമായോ അപേക്ഷ സമര്‍പ്പിക്കാവുന്നതാണ്.

55 ശതമാനം മാര്‍ക്കില്‍ കുറയാതെ എം.എസ്‌സി/തത്തുല്യ ബിരുദം/ ഇന്റഗ്രേറ്റഡ് ബി.എസ്എം.എസ്/ ബിഎസ് (നാലു വര്‍ഷം), ബിഇ/ ബിടെക്/ ബി.ഫാര്‍മ/ എംബിബിഎസ് യോഗ്യത നേടിയവര്‍ക്കും ഫൈനല്‍ യോഗ്യതാപരീക്ഷ എഴുതുന്നവര്‍ക്കും അപേക്ഷിക്കാന്‍ അര്‍ഹതയുണ്ട്. (ഒബിസി നോണ്‍ ക്രീമിലെയര്‍, പട്ടികജാതി/വര്‍ഗം, ഭിന്നശേഷിക്കാര്‍ എന്നീ വിഭാഗങ്ങളില്‍പ്പെടുന്നവര്‍ക്ക് 50 ശതമാനം മതിയാകും).

ബി.എസ്‌സി ഓണേഴ്‌സ് ഡിഗ്രിക്കാര്‍ക്കും ഇന്റഗ്രേറ്റഡ് എം.എസ്‌സിപിഎച്ച്ഡി പ്രോഗ്രാമില്‍ എന്റോള്‍ ചെയ്തവര്‍ക്കും അപേക്ഷിക്കാവുന്നതാണ്. എന്നാല്‍ ബാച്ചിലേഴ്സ് ഡിഗ്രിക്കാര്‍ക്ക് പി.എച്ച്.ഡി/ ഇന്റഗ്രേറ്റഡ് പി.എച്ച്ഡിക്ക് രജിസ്റ്റര്‍ ചെയ്തതിന് ശേഷം മാത്രമേ ഫെലോഷിപ്പിന് അര്‍ഹതയുള്ളൂ.

ജെ.ആര്‍എഫിന് 1.2017ല്‍ 28 വയസാണ്. പട്ടികജാതി/ വര്‍ഗം, ഒബിസി നോണ്‍ക്രീമിലെയര്‍, ഭിന്നശേഷിക്കാര്‍ എന്നീ വിഭാഗങ്ങളില്‍പ്പെടുന്നവര്‍ക്ക് ഉയര്‍ന്ന പ്രായപരിധിയില്‍ അഞ്ചു വര്‍ഷത്തെ ഇളവ് അനുവദിക്കും. ലക്ചര്‍ഷിപ്പിന് പ്രായപരിധിയില്ല.

ജനറല്‍ വിഭാഗം 1000 രൂപ, ഒബിസി നോണ്‍ക്രീമിലെയര്‍ വിഭാഗം: 500 രൂപ, ഭിന്നശേഷിക്കാര്‍: 250 രൂപ എന്നിങ്ങനെയാണ് ഫീസ്. ഇന്ത്യന്‍ ബാങ്കിന്റെ ശാഖയില്‍ ചലാന്‍ മുഖാന്തിരമോ RTGS/NEFTവഴിയോ പരീക്ഷാഫീസ് അടയ്ക്കാം.

ഫോം നമ്പരോട് കൂടിയ ഓണ്‍ലൈന്‍ അപേക്ഷ പ്രിന്റൗട്ട് എടുത്ത് ബ്ലാക്ക് ആന്റ് വൈറ്റ് ഫോട്ടോ പതിച്ച് ഒപ്പ് വച്ച് ഫീസ് അടച്ച് ജാതി സര്‍ട്ടിഫിക്കറ്റ് (ആവശ്യമുള പക്ഷം) സഹിതം 2017 മാര്‍ച്ച് 14ന് മുമ്പ് കിട്ടത്തക്കവണ്ണം അയയ്ക്കണം.

പരീക്ഷ തീയതി: 2017 ജൂണ്‍ 18, സമയം: രാവിലെ 9 മുതല്‍ 12 മണി വരെയും ഉച്ചയ്ക്ക് ശേഷം 2 മുതല്‍ വൈകീട്ട് 5 മണിവരെയും. ദൈര്‍ഘ്യം: മൂന്ന് മണിക്കൂര്‍.

ഇന്ത്യയൊട്ടാകെ 27 കേന്ദ്രങ്ങളിലാണ് പരീക്ഷ. തിരുവനന്തപുരം, കൊച്ചി, ചെന്നൈ, കാരയ്ക്കുടി, ബെംഗളൂരു, ഗുണ്ടൂര്‍, ഹൈദരാബാദ്, ഡല്‍ഹി, ലഖ്‌നൗ, നാഗ്പൂര്‍, പിലാനി, പൂണെ, റൂര്‍ക്കി, വാരണാസി, ഭോപാല്‍, ഭൂവനേശ്വര്‍, ഗുവാഹത്തി, കൊല്‍ക്കത്ത എന്നിവ പരീക്ഷാകേന്ദ്രങ്ങളിലുള്‍പ്പെടും.

ഇ അഡ്മിഷന്‍ ടിക്കറ്റ് ജൂണ്‍ ആദ്യവാരം ലഭ്യമാകും. പരീക്ഷാര്‍ത്ഥികളുടെ ലിസ്റ്റ് വെബ്‌സൈറ്റില്‍ മേയ് 16ന് പ്രസിദ്ധപ്പെടുത്തും. വിവരങ്ങള്‍ക്ക് www.csirhrdg.res.in സന്ദര്‍ശിക്കുക.