ജവഹര്‍ലാല്‍ ഇന്‍സ്റ്റിറ്റ്യൂട്ട് ഓഫ് പോസ്റ്റ് ഗ്രാഡുവേറ്റ് മെഡിക്കല്‍ എഡ്യുക്കേഷന്‍ ആന്റ് റിസര്‍ച്ച് (ജിപ്‌മെര്‍) എംബിബിസ് നു അപേക്ഷ ക്ഷണിച്ചു. 2017 ജൂലായിലാരംഭിക്കുന്ന എംബിബിഎസ് കോഴ്‌സിലേക്കാണ് ഈ പൊതുപ്രവേശന പരീക്ഷ. ജൂണ്‍ 4ന് ആണ് ദേശീയതലത്തില്‍ പ്രവേശന പരീക്ഷ നടത്തുന്നത്. ഓൺലൈൻ ആയി അപേക്ഷിക്കാവുന്നതാണു. മേയ് 3 വൈകീട്ട് 5 മണിവരെ അപേക്ഷിക്കാവുന്നതാണ്. ജിപ്‌മെര്‍ പുതുച്ചേരിയില്‍ 150 സീറ്റുകളും കാരയ്ക്കല്‍ കാമ്പസില്‍ 50 സീറ്റുകളുമുണ്ട്. നാലരവര്‍ഷമാണ് എംബിബിഎസ് കോഴ്‌സിന്റെ പഠനകാലാവധി. തുടര്‍ന്ന് ഒരുവര്‍ഷത്തെ കമ്പല്‍സറി റൊട്ടേറ്റിംഗ് ഇന്റേണ്‍ഷിപ്പ് പൂര്‍ത്തിയാക്കണം.
യോഗ്യത: ഹയര്‍ സെക്കന്‍ഡറി അല്ലെങ്കില്‍ സീനിയര്‍ ഹയര്‍സെക്കന്‍ഡറി/തത്തുല്യ പരീക്ഷയില്‍ ഫിസിക്‌സ്, കെമിസ്ട്രി, ബയോളജി/ബയോടെക്‌നോളജി വിഷയങ്ങള്‍ക്ക് മൊത്തം 50 ശതമാനം മാര്‍ക്കില്‍ കുറയാതെ നേടി വിജയിച്ചിരിക്കണം. SC/ST/OBC/OPH വിഭാഗങ്ങളില്‍പ്പെടുന്നവര്‍ക്ക് 40% മാര്‍ക്ക് മതിയാകും. ജനറൽ OPH വിഭാഗത്തില്‍പ്പെട്ടവര്‍ക്ക് 45% മാര്‍ക്ക് വേണം.2017 മാര്‍ച്ച്/ഏപ്രില്‍ മാസത്തില്‍ യോഗ്യത പരീക്ഷയെഴുതുന്നവർക്കും അപേക്ഷിക്കാവുന്നതാണ്. 2017 ഡിസംബര്‍ 31ന് പ്രായം 17 വയസ്സ് തികയണം. ഉയര്‍ന്ന പ്രായപരിധിയില്ല.
www.jipmer.edu.in എന്ന വെബ്‌സൈറ്റില്‍ 'Apply online MBBS Admission2017' എന്ന ലിങ്കില്‍ ക്ലിക്ക് ചെയ്ത് പ്രോസ്‌പെക്ടസിലെ നിര്‍ദ്ദേശപ്രകാരം അപേക്ഷിക്കാവുന്നതാണ്. അപേക്ഷാഫീസ് ജനറല്‍ (UR), OBC (NCL), പുതുച്ചേരി (UR) OBC (NCL) വിഭാഗക്കാര്‍ക്ക് 1200 രൂപ. SC/ST വിഭാഗക്കാര്‍ക്ക് 1000 രൂപ മതി. NRI/OCI വിഭാഗക്കാര്‍ക്ക് 2500 രൂപയാണ് ഫീസ്. ഇതിന് പുറമെ ബാങ്ക് ചാര്‍ജ് കൂടി നല്‍കേണ്ടതുണ്ട്. OPH വിഭാഗക്കാരെ അപേക്ഷ ഫീസില്‍ നിന്നും ഒഴിവാക്കിയിട്ടുണ്ട്. അപേക്ഷാഫീസ് നെറ്റ്ബാങ്കിങ്/ക്രഡിറ്റ്/ഡെബിറ്റ് കാര്‍ഡ് മുഖാന്തിരം അടയ്ക്കാവുന്നതാണ്.
ഹാള്‍ ടിക്കറ്റ് മെയ് 22 മുതല്‍ ഡൗണ്‍ലോഡ് ചെയ്യാം. ഒബ്ജക്ടീവ് മള്‍ട്ടിപ്പിള്‍ ചോയ്‌സ് മാതൃകയിലുള്ള രണ്ടരമണിക്കൂര്‍ ദൈര്‍ഘ്യമുള്ള ടെസ്റ്റില്‍ ഫിസിക്‌സ്, കെമിസ്ട്രി, ബയോളജി (60 വീതം), ഇംഗ്ലീഷ് ലാംഗ്വേജ് ലാംഗ്വേജ് ആന്റ് കോംപ്രിഹെന്‍ഷന്‍, ലോജിക്കല്‍ ആന്റ് ക്വാണ്ടിറ്റേറ്റീവ് റീസണിംഗ് (10 വീതം) എന്നീ വിഷയങ്ങളില്‍ നിന്നും ചോദ്യങ്ങളുണ്ടാവും. ശരി ഉത്തരത്തിന് നാല് മാര്‍ക്ക്. ഉത്തരം തെറ്റിയാല്‍ മാര്‍ക്ക് കുറയ്ക്കില്ല. നെഗറ്റീവ് മാര്‍ക്കിങ് രീതിയില്ല. ടെസ്റ്റില്‍ പരീക്ഷാര്‍ത്ഥി നേടുന്ന പെര്‍സെന്റെയില്‍ സ്‌കോര്‍ അടിസ്ഥാനത്തിലാണ് മെരിറ്റ് ലിസ്റ്റ് തയ്യാറാക്കുക. ഇന്ത്യയൊട്ടാകെ 75 നഗരങ്ങളിലായാണ് പ്രവേശന പരീക്ഷ.