എംബിഎ ടൂറിസം ആന്റ് ട്രാവല് മാനേജ്മെന്റിന് അപേക്ഷിക്കാം
ഇന്ത്യന് ഇന്സ്റ്റിറ്റ്യൂട്ട് ഓഫ് ടൂറിസം ആന്റ് ട്രാവല് മാനേജ്മെന്റ് (IITTM) ഗ്വാളിയോര്, ഭുവനേശ്വര്, നോയിഡ, നെല്ലൂര് ക്യാമ്പസുകളിലായി ദ്വിവത്സര ഫുള്ടൈം മാസ്റ്റര് ഓഫ് ബിസിനസ് അഡ്മിനിസ്ട്രേഷന് (എംബിഎ) ടൂറിസം ആന്റ് ട്രാവല് മാനേജ്മെന്റ്; മൂന്ന് വര്ഷത്തെ ബാച്ചിലര് ഓഫ് ബിസിനസ് അഡ്മിനിസ്ട്രേഷന് (ബിബിഎ) ടൂറിസം ആന്റ് ട്രാവല് കോഴ്സുകളില് പ്രവേശനത്തിന് ഇപ്പോൾ അപേക്ഷിക്കാവുന്നതാണ്.
അപേക്ഷ സ്വീകരിക്കുന്ന അവസാന തീയതി മെയ് 12 ആണ്. എംബിഎ (ടൂറിസം ആന്റ് ട്രാവല് മാനേജ്മെന്റ്): വിവിധ ക്യാമ്പസുകളിലായി 600 സീറ്റുകളുണ്ട്.IIMCAT/CMAT/XAT/MAT/ATMA/GMAT സ്കോര് അല്ലെങ്കില് IITTM അഡ്മിഷന് ടെസ്റ്റില് യോഗ്യത ഉള്ളവരാണ് അപേക്ഷിക്കേണ്ടത്. പ്രവേശന പരീക്ഷ: ജൂണ് 4 ന് ആണ്ഗ്വാളിയോര്, ഭുവനേശ്വര്, നോയിഡ, നെല്ലൂര് എന്നിവയാണ് പരീക്ഷ കേന്ദ്രങ്ങൾ. ഒബ്ജക്ടീവ് മാതൃകയിലുള്ള ടെസ്റ്റില് 100 മാര്ക്കിന്റെ ചോദ്യങ്ങൾ ഉണ്ടാകും. പൊതുവിജ്ഞാനം, വെര്ബല് എബിലിറ്റി, ക്വാണ്ടിറ്റേറ്റീവ് എബിലിറ്റി എന്നീ മേഖലയില് നിന്നും ചോദ്യങ്ങള് പ്രതീക്ഷിക്കാം. കൂടുതൽ വിവരങ്ങൾക്ക് www.iittm.net എന്ന വെബ്സൈറ്റ് സന്ദർശിക്കുക.
ബിബിഎ (ടൂറിസം ആന്റ് ട്രാവല്): ഏതെങ്കിലും സബ്ജക്ട് കോമ്പിനേഷനില് 50 ശതമാനം മാര്ക്കില് കുറയാതെ (SC/ST/PWD വിഭാഗക്കാര്ക്ക് 45 ശതമാനം മതി) പ്ലസ്ടു/ഹയര്സെക്കന്ഡറി/തുല്യബോര്ഡ് പരീക്ഷ വിജയിച്ചവര്ക്കും ഫൈനല് യോഗ്യതാ പരീക്ഷയെഴുതുന്നവര്ക്കും അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി: മെയ് 19 .
https://www.facebook.com/Malayalivartha