ന്യൂഡല്‍ഹി:  മെഡിക്കല്‍ പ്രവേശനത്തിനുള്ള നാഷണൽ എലിജിബിലിറ്റി കം എൻട്രൻസ് ടെസ്റ്റ് (നെറ്റ്)  അപേക്ഷിക്കാന്‍ പ്രായപരിധിയില്ലെന്ന് സുപ്രീംകോടതി. അപേക്ഷിക്കുന്നതിനുള്ള സമയം ഏപ്രില്‍ 5 വരെ നീട്ടി. അപേക്ഷിക്കാനുള്ള ഉയര്‍ന്ന പ്രായപരിധി 25 വരെയും പരീക്ഷ എഴുതാനുള്ള അവസരം മൂന്നായി കുറച്ചും കേന്ദ്ര ആരോഗ്യ കുടുംബക്ഷേമ മന്ത്രാലയം തീരുമാനിച്ചിരുന്നു. ഇതിനെതിരെ   സമര്‍പ്പിച്ച ഹര്‍ജിയിലാണ് കോടതിയുടെ ഈ ഉത്തരവ്. ഉത്തരവോടെ 25 വയസിന് മുകളിലുള്ളവര്‍ക്ക് പരീക്ഷയ്ക്ക് അപേക്ഷിക്കാം.  ഓണ്‍ലൈനായി ഇപ്പോൾ തന്നെ അപേക്ഷിക്കാന്‍ കഴിയുമെന്ന് സിബിഎസ്ഇ സെക്രട്ടറി  കോടതിയെ അറിയിച്ചു.