കൊൽക്കത്തയിലെ സത്യജിത്റായ്‌ ഫിലിം ആൻഡ്‌ ടെലിവിഷൻ ഇൻസ്റ്റിറ്റ്യൂട്ടിൽ സിനിമ, ടെലിവിഷൻ പി.ജി. കോഴ്‌സുകളിലേക്ക് മെയ് 10 വരെ അപേക്ഷിക്കാം. www.srfti.ac.in എന്ന വെബ്‌സൈറ്റിലൂടെ ഓൺലൈൻ ആയിട്ടാണ് അപേക്ഷിക്കേണ്ടത്.
ടെലിവിഷൻ കോഴ്‌സുകൾ‍ (രണ്ടുവർഷത്തെ പി.ജി.പ്രോഗ്രാം സ്പെഷ്യലൈസേഷനുകൾ): റൈറ്റിങ് ഫോർ ഇലക്‌ട്രോണിക് ആൻഡ്‌ ഡിജിറ്റൽ മീഡിയ, ഇലക്‌ട്രോണിക് ആൻഡ്‌ ഡിജിറ്റൽ മീഡിയ മാനേജ്‌മെന്റ്, വീഡിയോഗ്രാഫി ഫോർ ഇലക്‌ട്രോണിക് ആൻഡ്‌ ഡിജിറ്റൽ മീഡിയ, പ്രൊഡ്യൂസിങ് ഫോർ ഇലക്‌ട്രോണിക് ആൻഡ്‌ ഡിജിറ്റൽ മീഡിയ, എഡിറ്റിങ് ഫോർ ഇലക്‌ട്രോണിക് ആൻഡ്‌ ഡിജിറ്റൽ മീഡിയ, സൗണ്ട് ഫോർ ഇലക്‌ട്രോണിക് ആൻഡ്‌ ഡിജിറ്റൽ മീഡിയ. ഓരോ സ്പെഷ്യലൈസേഷനിലും 5 സീറ്റ് വീതം.
സിനിമ കോഴ്‌സുകൾ: (മൂന്നുവർഷത്തെ പോസ്റ്റ്ഗ്രാജ്യുവേറ്റ് പ്രോഗ്രാം സ്പെഷ്യലൈസേഷനുകൾ): ഡയറക്ഷൻ ആൻഡ്‌ സ്‌ക്രീൻപ്ലേ റൈറ്റിങ്‌, പ്രൊഡ്യൂസിങ് ഫോർ ഫിലിം ആൻഡ്‌ ടെലിവിഷൻ, സൗണ്ട് റിക്കോർഡിങ് ആൻഡ്‌ ഡിസൈൻ, സിനിമാട്ടോഗ്രാഫി, എഡിറ്റിങ്, ആനിമേഷൻ സിനിമ. ഓരോന്നിലും 12 സീറ്റ്. രണ്ട് സീറ്റ് വീതം വിദേശ വിദ്യാർത്ഥികൾക്കായി അനുവദിച്ചിട്ടുള്ളതാണ്.
യോഗ്യത: ഏതെങ്കിലും വിഷയത്തിൽ അംഗീകൃത സർവകലാശാല ബിരുദം. ആനിമേഷൻ സിനിമ കോഴ്‌സിൽ പ്രവേശനത്തിന് ഡ്രോയിങ് പ്രാവീണ്യം കൂടി വേണം.
എഴുത്തുപരീക്ഷ: മെയ് 21-ന്. തിരുവനന്തപുരവും പരീക്ഷാ കേന്ദ്രമാണ്. ഫലം ജൂൺ 23-ന്. എഴുത്തു പരീക്ഷ വിജയിക്കുന്നവരെ അഭിരുചി വിലയിരുത്തുന്നതിനുള്ള ഓറിയന്റേഷൻ കോഴ്‌സിന് വിധേയമാക്കും. തുടർന്നാണ് ഇന്റർവ്യൂ. ഇവ ജൂലായ് 10 മുതൽ 31 വരെ നടക്കും.
വിലാസം: satyajit Ray Film and Television Institute, EM Bypass Road, P.O. Panchasagar, Kolkata-700094. വെബ്‌സൈറ്റ്: www.srfti.ac.in E-mail : admission17@srfti.ac.in.