കംമ്പയിന്‍ഡ് ഗ്രാജുവേറ്റ് ലെവല്‍ എക്‌സമിനേഷന്‍ പരീക്ഷയ്ക്ക് അപേക്ഷ ക്ഷണിച്ചു. ഇതുമായി ബന്ധപ്പെട്ട വിശദവിജ്ഞാപനം എസ്എസ്‌സി പ്രസിദ്ധീകരിച്ചു. താത്പര്യമുള്ള ഉദ്യോഗാര്‍ത്ഥികള്‍ക്ക് ഔദ്യോഗിക വെബ്‌സൈറ്റ് വഴി അപേക്ഷ സമര്‍പ്പിക്കാം.ഗ്രൂപ്പ് ബി,ഗ്രൂപ്പ് സി വിഭാഗത്തിലാണ് ഒഴിവുകള്‍.17,727 ഒഴിവുകളാണ് റിപ്പോര്‍ട്ട് ചെയ്തിട്ടുള്ളത്.

എസ്എസ്‌സി സിജിഎൽ രണ്ട് തട്ടുകളിലായാണ് നടക്കുക. ടയർ 1 പരീക്ഷയുടെ താൽക്കാലിക ഷെഡ്യൂൾ സെപ്റ്റംബർ-ഒക്‌ടോബർ ആണ്, ടയർ 2 പരീക്ഷയുടെ താൽക്കാലിക ഷെഡ്യൂൾ 2024 ഡിസംബർ ആണ്. പരീക്ഷ കമ്പ്യൂട്ടർ അധിഷ്‌ഠിതവും തുടർന്ന് ഡോക്യുമെൻ്റ് വെരിഫിക്കേഷൻ റൗണ്ടും ആയിരിക്കും. കംപ്യൂട്ടർ അധിഷ്ഠിത പരീക്ഷയുടെ പദ്ധതിയും സിലബസും വിജ്ഞാപനത്തിൽ പറഞ്ഞിട്ടുണ്ട്.

വിവിധ മന്ത്രാലയങ്ങൾ, വകുപ്പുകൾ, ഇന്ത്യാ ഗവൺമെൻ്റിൻ്റെ ഓർഗനൈസേഷനുകൾ, വിവിധ ഭരണഘടനാ സ്ഥാപനങ്ങൾ, നിയമപരമായ ബോഡികൾ, ട്രൈബ്യൂണലുകൾ എന്നിവയിലെ വിവിധ ഗ്രൂപ്പ് 'ബി', ഗ്രൂപ്പ് 'സി' തസ്തികകളിലേക്ക് ഷോർട്ട്‌ലിസ്റ്റ് ചെയ്ത ഉദ്യോഗാർത്ഥികളെ നിയമിക്കും. തസ്തികകളുടെ മെറിറ്റ്-കം-പ്രിഫറൻസ് അടിസ്ഥാനമാക്കിയുള്ള പരീക്ഷാ വിജ്ഞാപനത്തിലെ വ്യവസ്ഥകൾ അനുസരിച്ച് തസ്തികകൾ അനുവദിക്കും.

ബിരുദമാണ് യോഗ്യത. അവസാന വര്‍ഷ ബിരുദവിദ്യാര്‍ഥികള്‍ക്കും അപേക്ഷിക്കാം എന്നാല്‍ 01.08.2024 തീയതികുള്ളില്‍ ബിരുദം യോഗ്യത ലഭിക്കണം.രണ്ട് ഘട്ടങ്ങളിലായിട്ടാണ് പരീക്ഷ. ടയര്‍ 1 പരീക്ഷ 2023 സെപ്റ്റംബര്‍/ ഒക്ടോബറിലും ടയര്‍ II പരീക്ഷ ഡിസംബറിലും നടത്താനാണ് നിശ്ചയിച്ചിരിക്കുന്നത്.

ഓണ്‍ലൈനായി അപേക്ഷ സമര്‍പ്പിക്കേണ്ട അവസാന തീയതി ജൂലായ് 24. ജൂലായ് 25 വരെ അപേക്ഷ ഫീസ് അടയ്ക്കാം.100 രൂപയാണ് അപേക്ഷ ഫീസ്. സംവരണ വിഭാഗങ്ങള്‍, വിമുക്ത ഭടന്‍, വനിതകള്‍ എന്നിവര്‍ക്ക് ഫീസില്ല. 44,900-1,42,400 രൂപ ശമ്പള സ്‌കെയിലുള്ള തസ്തികകള്‍ ഇവയാണ്

അസിസ്റ്റന്റ് സെക്ഷന്‍ ഓഫീസര്‍ (സെന്‍ട്രല്‍ സെക്രട്ടേറിയറ്റ് സര്‍വീസ്, ഇന്റലിജന്‍സ് ബ്യൂറോ, റെയില്‍വേ, വിദേശകാര്യമന്ത്രാലയം, എ.എഫ്.എച്ച്.ക്യു, ഇലക്ട്രോണിക്‌സ്-ഐ.ടി. മന്ത്രാലയം, മറ്റ് വകുപ്പുകള്‍), ഇന്‍സ്‌പെക്ടര്‍ (സെന്‍ട്രല്‍ എക്‌സൈസ്-സി.ബി.ഐ.സി.), ഇന്‍സ്‌പെക്ടര്‍ (പ്രിവെന്റീവ് ഓഫീസര്‍ (സി.ബി.ഐ.സി.), ഇന്‍സ്‌പെക്ടര്‍ (എക്‌സാമിനര്‍-സി.ബി.ഐ.സി.), അസിസ്റ്റന്റ് എന്‍ഫോഴ്സ്മെന്റ് ഓഫീസര്‍ (റവന്യൂ), സബ് ഇന്‍സ്‌പെക്ടര്‍ (സി.ബി.ഐ.), ഇന്‍സ്‌പെക്ടര്‍ പോസ്റ്റ്സ് (പോസ്റ്റ്സ് ആന്‍ഡ് കമ്യൂണിക്കേഷന്‍), ഇന്‍സ്‌പെക്ടര്‍ (സെന്‍ട്രല്‍ ബ്യൂറോ ഓഫ് നാര്‍ക്കോട്ടിക്‌സ്).

ഇതിനുപുറമെ 35,400-1,12,400 രൂപ ശമ്പള സ്‌കെയിലുള്ളതും 29,200-92,300 രൂപ ശമ്പള സ്‌കെയിലുള്ളതും 25,500-81,100 രൂപ ശമ്പള സ്‌കെയിലുള്ള തസ്തികകളും ഉണ്ട് .വിശദവിവരങ്ങള്‍ക്ക് ഔദ്യോഗിക വെബ്‌സൈറ്റില്‍ സന്ദര്‍ശിക്കാം: https://ssc.gov.in