പ്രഫഷനലുകൾക്ക് ദീർഘകാല വീസ നൽകാൻ ജബൽ അലി ഫ്രീസോൺ (ജാഫ്സ) തീരുമാനിച്ചു. . നിക്ഷേപകർ, ഗവേഷകർ, സംരംഭകർ, നൂതന ആശയങ്ങളുള്ളവർ, ഉന്നത വിദ്യാഭ്യാസമുള്ളവർ, വിവിധ മേഖലകളിൽ വൈദഗ്ധ്യമുള്ളവർ എന്നിവർക്കാണ് അവസരം.

ജാഫ്സയിൽ നിലവിലുള്ളവർക്കും ദീർഘകാല വീസയിലേക്കു മാറാൻ അവസരമുണ്ട്. അഞ്ചോ പത്തോ വർഷത്തേക്കുള്ള വീസയാണു നൽകുക. വീസ പുതുക്കാനുള്ള നടപടികളും എളുപ്പമാക്കും.

ഇതുസംബന്ധിച്ചു യുഎഇ മന്ത്രിസഭ പാസാക്കിയ പ്രമേയത്തിന് വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം അംഗീകാരം നൽകി.
യോഗ്യതയും ൈവദഗ്ധ്യവുമുള്ളവരെ ആകർഷിക്കാനും മികച്ച അവസരങ്ങൾ ലഭ്യമാക്കാനും ലക്ഷ്യമിട്ടാണിതെന്ന് ജാഫ്സ സിഇഒ: മുഹമ്മദ് അൽ മുഅല്ലെം പറഞ്ഞു.

നൂതന ആശയങ്ങൾ അടിസ്ഥാനമാക്കിയുള്ള പദ്ധതികളാണ് രാജ്യത്തിന്റെ വികസനത്തിന് ആവശ്യം. മികവുകളുടെ രാജ്യാന്തര ആസ്ഥാനമായി ദുബായ് മാറുകയാണെന്നും പറഞ്ഞു