കേരളത്തിന് അഭിമാനമായി ഷംസീര്; ഇന്ത്യയിലെ പ്രമുഖ യുവസംരംഭകരുടെ പട്ടികയില് രണ്ടാമത്
പ്രമുഖ ബിസിനസ് പ്രസിദ്ധീകരണമായ ബിസിനസ് ഇന്സൈഡര് ഇന്ത്യ തയ്യാറാക്കിയ ഇന്ത്യയിലെ പത്തു പ്രമുഖ യുവ സംരംഭകരുടെ പട്ടികയില് മലയാളിയായ ഡോ: ഷംഷീര് വയലിലാണ് ഇടം തേടിയത്. മധ്യ പൂര്വേഷ്യയിലെ ഏറ്റവും വലിയ മരുന്ന് നിര്മ്മാണശാലയുടെയും പ്രമുഖ ആശുപത്രി ശൃംഖല വി.പി.എസ് ഹെല്ത്ത് കെയറിന്റെയും ഉടമയാണ് കോഴിക്കോട് സ്വദേശിയായ ഡോ: ഷംഷീര് വയലില്. 42കാരനായ ഷംഷീര് വയലിന്റെ ആരോഗ്യ മെഡിക്കല് രംഗത്തെ നിക്ഷേപങ്ങളാണ് അദ്ദേഹത്തെ പട്ടികയില് രണ്ടാം സ്ഥാനത്ത് എത്തിച്ചതെന്ന് ബിസിനസ് ഇന്സൈഡറിന്റെ അവലോകനത്തില് പറയുന്നു.
ജീവകാരുണ്യ രംഗത്ത് മുന്നില് നില്ക്കുന്ന ബിസിനസുകാരെ ഉള്പ്പെടുത്തി ബാര്ക്ക്ളെയിസ് ഹാറൂണ് തയ്യാറാക്കിയ പട്ടികയില് നേരത്തെ ഇന്ത്യയില് രണ്ടാം സ്ഥാനം നേടിയിരുന്നു. ഫോബ്സ് മാഗസിന്റെ ആഗോള സമ്പന്നരുടെ പട്ടികയില് 98 ാം സ്ഥാനത്താണ് ഈ കോഴിക്കോടുകാരന്. പ്രളയ കാലത്ത് കേരളത്തിന് ഡോ: ഷംസീര് 50 കോടി രൂപ സഹായം നല്കിയിരുന്നു.
പേടി എം സി ഇ ഒ വിജയ് ശേഖര് ശര്മ്മയാണ് പട്ടികയില് ഒന്നാമത്. ഇന്ത്യബുള്സ് സി ഇ ഒ സമീര് ഖെലോട്ട്, പതഞ്ജലിയുടെ ഭൂരിഭാഗം ഓഹരികളും കയ്യാളുന്ന ആചാര്യ ബാലകൃഷ്ണ, മണിപ്പാല് ഗ്രൂപ്പ് ഉടമ രഞ്ജന് പൈ, ഒബ്രോയ് റിയാലിറ്റി ഉടമ വികാസ് ഒബ്രോയ്, ആദിത്യ ബിര്ള ഗ്രൂപ്പ് തലവന് കുമാര് ബിര്ള, സോഹോ മാനുഫാക്ചറര് ഉടമ ശ്രീധര് വെമ്ബു, സണ് ഗ്രൂപ്പ് ഉടമ കലാനിധി മാരന്, എംബസി പ്രോപ്പര്ട്ടി ഡെവലപ്പ്മെന്റ് പാര്ക്ക് ഉടമ ജിതേന്ദ്ര വിര്വാണി എന്നിവരാണ് യഥാക്രമം മൂന്നുമുതല് പത്തുവരെയുള്ള സ്ഥാനങ്ങളിലുള്ളത്.
https://www.facebook.com/Malayalivartha
