ഇന്ത്യയുടെ പുനരുപയോഗ വിക്ഷേപണ സ്പേസ് ഷട്ടിലിന്റെ പരീക്ഷണം വിജയകരം: ഐ.എസ്.ആര്.ഒ
ഇന്ത്യയുടെ പുനരുപയോഗ വിക്ഷേപണ വാഹനം പരീക്ഷണക്കുതിപ്പ് വിജയകരം. ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തില് നിന്ന് തിങ്കളാഴ്ച രാവിലെ ഏഴുമണിയോടെ റീയൂസബ്ള് ലോഞ്ച് വെഹിക്ക്ള് ടെക്നോളജി ഡെമോണ്സ്ട്രേഷന് (ആര്.എല്.വി ടി.ഡി) വിക്ഷേപിച്ചത്.
ബഹിരാകാശ വിമാനം, പുനരുപയോഗ വിക്ഷേപണ റോക്കറ്റ്, സ്പേസ് ഷട്ട്ല് എന്നിങ്ങനെ വിശേഷണമുള്ള ആര്.എല്.വി ടി.ഡി (റീയൂസബ്ള് ലോഞ്ച് വെഹിക്ക്ള് ടെക്നോളജി ഡെമോണ്സ്ട്രേഷന് ) മനുഷ്യനെ ബഹിരാകാശത്ത് എത്തിക്കാന് ഉതകുന്ന ഇന്ത്യന് പരീക്ഷണത്തിന്റെ ആദ്യ ശ്രമം കൂടിയാണ്.
റീയൂസബ്ള് ലോഞ്ച് വെഹിക്കഌന്റെ പ്രത്യേകത എന്തെന്നുവെച്ചാല് ഉപഗ്രഹത്തെ ഭ്രമണ പഥത്തില് എത്തിച്ച ശേഷം റോക്കറ്റ് സുരക്ഷിതമായി ഭൂമിയില് തിരിച്ചിറങ്ങുന്നതാണ്. വാഹനം ഭൂമിയില് നിന്ന് 70 കിലോമീറ്റര് സഞ്ചരിച്ച് സുരക്ഷിതമായി തിരിച്ചിറക്കുന്ന പരീക്ഷണമാണ് നടക്കുന്നത്. ശ്രീഹരിക്കോട്ടയില്നിന്ന് വിക്ഷേപിക്കുന്ന റോക്കറ്റിനെ ഖര ഇന്ധനമുള്ള ബൂസ്റ്റര് എന്ജിന് 70 കിലോമീറ്റര് ഉയരത്തില് എത്തിക്കും. തുടര്ന്ന്, ഭൗമാന്തരീക്ഷത്തില് പ്രവേശിച്ച് ഭൂമിയിലേക്ക് മടങ്ങും. തിരിച്ചിറക്കം ബംഗാള് ഉള്ക്കടലില് 500 കിലോമീറ്റര് അകലെയുള്ള സാങ്കല്പിക റണ്വേയിലാകും.
6.5 മീറ്റര് നീളവും 1.75 ടണ് ഭാരവുമുള്ള ചെറുമാതൃകയാണ് പരീക്ഷണാര്ഥം വിക്ഷേപിക്കുന്നത്. മറ്റു റോക്കറ്റുകളില് നിന്ന് വ്യത്യസ്തമായി ചിറകുള്ള രൂപഘടനയാണ് ഇതിന്. തിരുവനന്തപുരത്തെ വിക്രം സാരാഭായ് ബഹിരാകാശ നിലയത്തിലാണ് ആര്.എല്.വിയുടെ ഭൂരിഭാഗവും നിര്മിച്ചത്.
വിക്ഷേപണത്തിന് 20 മിനിറ്റിന് ശേഷം സ്പേസ് ഷട്ടിലിന്റെ പരീക്ഷണം വിജയകരമാണെന്ന് ഐ.എസ്.ആര്.ഒ അറിയിച്ചു. വളരെചെറിയൊരു പടിയാണ് കയറുന്നതെന്നും അന്തിമ സ്പേസ് ഷട്ടില് സജ്ജമാകാന് 10-15 വര്ഷമെടുക്കുമെന്നും ഐ.എസ്.ആര്.ഒ വൃത്തങ്ങള് അറിയിച്ചു.
ഞായറാഴ്ച രാത്രി റോക്കറ്റിന്റെ കൗണ്ട് ഡൗണ് ആരംഭിച്ചിരുന്നു. രാവിലെ 9.30 നാണ് വിക്ഷേപണം നിശ്ചയിച്ചിരുന്നതെങ്കിലും കാലാവസ്ഥയിലെ മാറ്റവും കാറ്റിന്റെ ഗതിയും കണക്കിലെടുത്ത് വിക്ഷേപണം രണ്ടുമണിക്കൂര് നേരത്തേയാക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
