ബോളിവുഡ് സൂപ്പർ താരം അമിതാഭ് ബച്ചന് വീണ്ടും കൊറോണ സ്ഥിരീകരിച്ചതായി റിപ്പോർട്ട്. ഇത് രണ്ടാം തവണയാണ് അമിതാഭ് ബച്ചന് കൊറോണ സ്ഥിരീകരിക്കുന്നത്. രോഗ വിവരം സമൂഹമാദ്ധ്യമത്തിലൂടെ അമിതാഭ് ബച്ചൻ തന്നെയാണ് പുറത്തുവിട്ടത്. തുടർന്ന് താനുമായി അടുത്ത ദിവസങ്ങളിൽ സമ്പർക്കത്തിലേർപ്പെട്ടവർ കൊറോണ പരിശോധനയ്‌ക്ക് വിധേയരാകണമെന്നും അദ്ദേഹം പറഞ്ഞു.

അതേസമയം നിലവിൽ സോണി ടിവിയിലെ കോൻ ബനേകാ ക്രോർപതിയുടെ 14ാം സീസണിന്റെ ഷൂട്ടിംഗ് പുരോഗമിക്കുകയാണ്. എന്നാൽ ഇതിനിടെയാണ് അദ്ദേഹത്തിന് കൊറോണ ബാധിച്ചിരിക്കുന്നത്. മാത്രമല്ല രോഗവിവരം ട്വിറ്ററിലൂടെയാണ് അമിതാഭ് ബച്ചൻ അറിയിച്ചത്. ഇത് പ്രകാരം തനിക്ക് വീണ്ടും കൊറോണ സ്ഥിരീകരിച്ചുവെന്നും താനുമായി സമ്പർക്കത്തിൽ ഏർപ്പെട്ട എല്ലാവരും പരിശോധന നടത്തണമെന്നുമായിരുന്നു അദ്ദേഹം ട്വീറ്റ് ചെയ്തത്.

കോവിഡ് ആദ്യഘട്ടമായ 2020 ജൂലൈയിലാണ് അമിതാഭ് ബച്ചന് ആദ്യം കൊറോണ സ്ഥിരീകരിച്ചത്. ഇതിനു പിന്നാലെ രണ്ട് ആഴ്ചയോളം അദ്ദേഹം ആശുപത്രിയിൽ ചികിത്സയിൽ കഴിഞ്ഞിരുന്നു. മാത്രമല്ല അമിതാഭ് ബച്ചന് പിന്നാലെ അഭിഷേക് ബച്ചൻ, ഐശ്വര്യാ റായ് എന്നിവർക്കും കൊറോണ സ്ഥിരീകരിച്ചിരുന്നു.