ഗര്‍ഭകാലം സോഷ്യല്‍ മീഡിയയില്‍ പങ്കുവച്ച താരങ്ങളുടെ പട്ടികയിലേക്ക് ലിസ ഹെയ്ഡനും...
താരങ്ങളള്‍ ഗര്‍ഭകാലത്തെ ചിത്രങ്ങള്‍ സോഷ്യല്‍ മീഡിയയില്‍ പങ്കുവയ്ക്കുന്നത് ഇപ്പോള്‍ സ്ഥിരം കാഴ്ചയാണ്. ഗര്‍ഭകാലത്ത് സോഷ്യല്‍ മീഡിയയില്‍ ചിത്രങ്ങള്‍ പങ്കുവച്ച താരങ്ങളുടെ പട്ടികയിലേക്ക് ബോളിവുഡ് താരം ലിസ ഹെയ്ഡനും. നേരത്തെ സമീറ റെഡ്ഡിയും എമി ജാക്‌സണും സോഷ്യല്‍ മീഡിയയില്‍ പങ്കുവച്ച ഗര്‍ഭകാല ചിത്രങ്ങള്‍ ചര്‍ച്ചയായിരുന്നു. ഇതിന് പിന്നാലെയാണ് നടിയും മോഡലുമായ ലിസ ഹെയ്ഡനും ഗര്‍ഭകാല ചിത്രങ്ങള്‍ പങ്കുവച്ചത്. സോഷ്യല്‍ മീഡിയയില്‍ സജീവ സാന്നിധ്യമാണ് ലിസ ഹെയ്ഡന്‍ ചിത്രങ്ങളും വീഡിയോകളുമെല്ലാം പ്രേക്ഷകര്‍ക്കായി പങ്കുവെയ്ക്കാറുണ്ട്. പ്രസവകാലം ആഘോഷമാക്കുകയാണ് താരം. ഇതിന്റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ ട്രെന്റിങ്ങാണ്.
ഗര്‍ഭകാലം ആരോഗ്യകരമായ മനസ്സും ശരീരവുമായി എങ്ങനെ നേരിടാം എന്ന സന്ദേശവുമായാണ് ലിസ ചിത്രങ്ങള്‍ പങ്കുവെച്ചിരിക്കുന്നത്. ബിക്കിനി ധരിച്ച ചിത്രങ്ങളിലൂടെ ആരോഗ്യകരമായ ഭക്ഷണവും സന്തോഷമുളള മനസ്സും എങ്ങനെ സൃഷ്ടിക്കാം എന്നതിന് ഉത്തമ മാതൃകയാണ് ലിസ. ക്വീന്‍ ക്വീന്‍, ഹൗസ്ഫുള്‍ 3 തുടങ്ങിയ ബോളിവുഡ് ചിത്രങ്ങളിലൂടെ ശ്രദ്ധേയയായ നടിയാണ് ലിസ ഹെയ്ഡന്‍.
ഗര്‍ഭകാലത്ത് പോസ്റ്റ് ചെയ്യുന്ന ഏറ്റവും അവസാനത്തേതെന്ന് പറഞ്ഞുളള ഭക്ഷണം കഴിക്കുന്ന ചിത്രത്തിന്റെ അടിക്കൂറുപ്പില്‍ ഇനി വീട്ടിലേക്ക് പോയിട്ട് വേണം പാകമാകുന്ന വസ്ത്രങ്ങള്‍ തിരഞ്ഞെടുക്കാന്‍ എന്ന് ലിസ കുറിച്ചു. 2016 ലായിരുന്നു ഡിനോ ലല്‍വാനിയുമായി ലിസയുടെ വിവാഹം. സാക്ക് എന്ന ഒരു മകന്‍ ഉണ്ട് ഇരുവര്‍ക്കും.
https://www.facebook.com/Malayalivartha
