അവതാരകയായും ഗായികയായും നടിയുമൊക്കെയായി മലയാളികളുടെ ഉള്ളിൽ നിറഞ്ഞു നിൽക്കുന്ന താരമാണ് റിമി ടോമി. അടുത്തിടെയായിരുന്നു താരം വിവാഹ മോചനം നേടിയതും. അതേസമയം റിമി ടോമിയെപ്പോലെ തന്നെ പ്രേക്ഷകർക്ക് പ്രിയങ്കരനാണ് മുൻ ഭർത്താവ് റോയിസും. ഇരുവരും ഒരുമിച്ചെത്തിയ അഭിമുഖങ്ങളും ഒരുമിച്ച് പോയ യാത്രകളുമൊക്കെ സോഷ്യൽ മീഡിയയിൽ വൈറലായിരുന്നു.

അതിനുപിന്നാലെയാണ് വിവാഹമോചനവും റോയിസിന്റെ രണ്ടാം വിവാഹവും. റിമിയെപ്പോലെ തന്നെ റോയിസും സോഷ്യൽ മീഡിയയിൽ സജീവമാണ്. ഇപ്പോൾ തിരക്കുള്ള ഒരു ബിസിനസ്സ് മാനെന്ന് തോന്നിക്കുന്ന ഒരു ചിത്രമാണ് താരം പങ്കുവെച്ചിരിക്കുന്നത്.

തടിയൊക്കെ കുറച്ച് സുന്ദരനായാണ് ചിത്രത്തിലുള്ളത്. ചിത്രം സോഷ്യൽ മീഡിയയിൽ വൈറലാണ്, നിരവധി ആളുകളാണ് കമന്റുമായെത്തുന്നത്. സോണിയയുമായുള്ള വിവാഹം ലുക്കിൽ വരെ മാറ്റങ്ങൾ വരുത്തിയല്ലോ എന്നാണ് സോഷ്യൽ മീഡിയ പറയുന്നത്. ഫെബ്രുവരി 22 ന് തൃശൂരിൽ വെച്ചായിരുന്നു റോയിസ് കിഴക്കൂടനും സോണിയും തമ്മിലുള്ള വിവാഹം നടന്നത്.

സോഫ്റ്റ് വെയർ എൻജിനീയറായ സോണിയ ആണ് റോയിസിന്റെ ഭാര്യ. അടുത്ത കുടുംബാംഗങ്ങൾക്കൊപ്പം ലളിതമായിട്ടായിരുന്നു റോയിസിന്റെ രണ്ടാം വിവാഹം നടന്നത്. വിവാഹത്തിന് തൊട്ട് അടുത്ത ദിവസമാണ് റോയിസിനൊപ്പം നിൽക്കുന്ന സോണിയയുടെ ചിത്രങ്ങളും പുറത്ത് വരുന്നത്. ക്രിസ്ത്യൻ ആചാരപ്രകാരം നടത്തിയ ചടങ്ങിന്റെ ചിത്രങ്ങളും വീഡിയോസും പുറത്ത് വന്നിരുന്നു.

മുണ്ടും കുർത്തയുമായിരുന്നു റോയിസിന്റെ വേഷം. സെറ്റ് സാരിയായിരുന്നു സോണിയ ധരിച്ചത്. ലളിതമായി നടത്തിയ ചടങ്ങുകളുടെ ഫോട്ടോസ് സമൂഹ മാധ്യമങ്ങളിലൂടെ വൈറലായിമാറിയിരുന്നു. റോയിസിന്റെ ഭാര്യ സോണിയയും സോഷ്യൽ മീഡിയയിലെ നിറസാന്നിധ്യമാണ്.

സോണിയ സോഷ്യൽ മീഡിയയിൽ പങ്കിടുന്ന ചിത്രങ്ങളിൽ താരത്തിന്റെ ഡാൻസ് ചിത്രങ്ങളും, സ്വകാര്യ നിമിഷങ്ങളും, ഒപ്പം സ്പെഷ്യൽ കുക്കിങ്ങിന്റെ ചിത്രങ്ങളും നിറയുന്നുണ്ട്. അതിൽ ആരാധകർക്ക് ഏറെ പ്രിയപ്പെട്ടത് താരം രവി വർമ്മ ചിത്രത്തിന് മോഡൽ ആയതാണ്.