സാധാരണ മഴ ഉണ്ടകുമ്പോൾ തണുപ്പിൽ നിന്നും രക്ഷപെടാൻ ചിലർ ദിവസവും ചൂടുവെള്ളത്തിൽ കുളിക്കാറുണ്ട്. എന്നാൽ ചിലർ ചൂടുവെള്ളത്തില്‍ കുളിക്കും. മാത്രമല്ല നല്ല ചൂടുള്ള വെള്ളത്തില്‍ പച്ചവെള്ളം കലര്‍ത്തി ഇളംചൂടാക്കിയ ശേഷമാണ് പലരും കുളിക്കുന്നത്. എന്നാൽ ഇത്തരത്തിൽ കുളിക്കുന്നത് ആരോഗ്യത്തിനു എത്രത്തോളം നല്ലതാണെന്ന് ചിന്തിച്ചിട്ടുണ്ടോ. അതോ ചൂടു വെള്ളത്തിലെ കുളി ആരോഗ്യത്തിനു ദോഷം ചെയ്യുന്നുണ്ടോ. അറിയാം ഇക്കാര്യങ്ങൾ.

സാധാരണയായി പറയുന്നത് തണുപ്പ് ദോഷം ചെയ്യുന്ന അവസരങ്ങളില്‍ മാത്രം ചൂടു വെള്ളത്തില്‍ കുളിക്കുന്നതാണ് നല്ലതെന്നാണ്. കാരണം ജലദോഷം, തൊണ്ടവേദന തുടങ്ങിയ ബുദ്ധിമുട്ടുകള്‍ ഉള്ള സമയത്ത് മാത്രം ചൂടു വെള്ളം ഉപയോഗിക്കുക. ഇനി ശരീരികമായ അസ്വസ്ഥതകള്‍ ഒന്നും ഇല്ലാത്ത സാഹചര്യത്തില്‍ ചൂടു വെള്ളത്തില്‍ കുളിക്കുന്നതു കൊണ്ട് പ്രയോജനമൊന്നും ഇല്ലെന്ന് മാത്രമല്ല, സ്ഥിരം ചൂട് കൂടിയ വെള്ളത്തില്‍ കുളിക്കുന്നത് ചര്‍മ്മത്തിനു ദോഷം ചെയ്യും.

മാത്രമല്ല കുളിക്കാനായി ചൂടു വെള്ളം തിരഞ്ഞെടുക്കേണ്ട സാഹചര്യങ്ങളില്‍ പോലും ഇളം ചൂടു വെള്ളമേ ഉപയോഗിക്കാന്‍ പാടൂ. ഈ സമയങ്ങളിൽ കൂടുതല്‍ ഗുണം കിട്ടുമെന്നു കരുതി അധികം ചൂടു വെള്ളം ദേഹത്തൊഴിച്ചാല്‍ ഗുണത്തേക്കാളേറെ ദോഷമാകും.

അതേസമയം തന്നെ ചെറു ചൂടു വെള്ളത്തിലാണു കുളിയെങ്കിലും ഈ വെള്ളം അധികം തലയില്‍ കോരിയൊഴിക്കാതിരിക്കുക. ഇത് മുടികൊഴിച്ചിലിന് കാരണമാകാം. പൊതുവെ തണുപ്പ് കുറഞ്ഞ വെള്ളമാണ് തല കഴുകാന്‍ നല്ലത്. ഇതോടൊപ്പം അന്തരീക്ഷത്തിലെ താപനിലയുമായി ചേര്‍ന്ന് നില്‍ക്കുന്ന വെള്ളത്തില്‍ കുളിയ്ക്കുകയെന്നതാണ് ഏറെ ആരോഗ്യകരം. എന്തായാലും തണുപ്പാറിയ വെള്ളമാണ് കൂടുതല്‍ നല്ലതെന്നു വേണം പറയാന്‍. കൂടുതല്‍ ചൂടു വെള്ളത്തിലും തണുത്ത വെള്ളത്തിലും കുളിയ്ക്കുന്നത് ചര്‍മ്മത്തിനും നല്ലതല്ല.