തൃശൂര്ർ ജില്ലയിലെ ഇരിങ്ങാലക്കുടയ്ക്ക് അടുത്ത് മൂരിയാട്ടെ എംപറര്ർ ഇമ്മാനുവൽ എന്ന പ്രസ്ഥാനത്തിലെ കൂടുതൽ തട്ടിപ്പുകളാണ് മലയാളി വാർത്ത ഇന്ന് പുറത്ത് വിടുന്നത്.  അവരുടെ സിയോൻ സഭയും ഏറെ വിവാദങ്ങളിലൂടെയാണ് കടന്ന് പോകുന്നത്. ഭൂമിയിൽ നിന്നു കൊണ്ട് സ്വര്ർഗത്തിലെ സീറ്റ് കച്ചവടം ചെയ്യുകയാണിവര്ർ എന്ന ആരോപണം ഉയര്ർന്നിരുന്നു.തട്ടിപ്പിന്റെ എംപറർ ആയ തൃശൂർ മൂരിയാട് സീയോൻ കൂടാരവാസികൾ നാട്ടുകാർക്ക് ഭീഷണിയാകാൻ തുടങ്ങിയിട്ട് നാളുകളേറെയായി.

എംപറര്ർ ഇമാനുവൽ സീയോൻ കൂടാര വാസികൾ നടത്തുന്ന പ്രാർത്ഥനകളൊക്കെ കപടമാണെന്നാണ് കൂടാരത്തിൽ നിന്നും പുറത്ത് കടന്ന ഷാന്റി പറയുന്നത്. ഇതിനകത്ത് നടക്കുന്ന സംഭവത്തെക്കുറിച്ച് ഞെട്ടിക്കുന്ന വെളിപ്പെടുത്തലാണ് ഷാന്റി മലയാളി വാർത്തയോട് നടത്തിയത്. ലോകം അവസാനിക്കുമെന്നും ഇവരുടെ പേടകത്തിൽ കയറിയാലേ രക്ഷയുളളു എന്ന് പറഞ്ഞാണ് ഇവർ എല്ലാവരിൽ നിന്നും സ്വത്തുക്കൾ തട്ടിയെടുക്കുന്നത്.

സ്വത്തുക്കളെല്ലാം ഇവരുടെ പേരിലാക്കിയ ശേഷം ഇവർ ഇവരെ അന്തേവാസികളാക്കും. ദമ്പതികളാണെങ്കിൽ ഒരുമിച്ച് നിൽക്കാൻ അനുവദിക്കില്ല. യുവതികളെ വിവാഹം കഴിക്കാൻ അനുവദിക്കില്ല. പിണങ്ങി കൂടാരത്തിന് പുറത്ത് പോയാൽ വധഭീഷണി അടക്കം ഇവരുടെ ഭാഗത്ത് നിന്നുമുണ്ടാകും. നിരവധി പേരാണ് തട്ടിപ്പിനിരയായതെന്നും ഷാന്റി മലയാളി വാർത്തയോട് പറഞ്ഞു. കേട്ടാലറയ്ക്കുന്ന വിധത്തിലുളള ലൈംഗിക വൈകൃതങ്ങളാണ് നടക്കുന്നത്. ആയിരക്കണക്കിന് അബോർഷനുകളാണ് വർഷത്തിൽ നടക്കുന്നതെന്നും ഇതിനായി പ്രത്യേക ഡോക്ടർമാർ അടക്കം ഉണ്ടെന്നും ഷാന്റി പറയുന്നു

സഭയിൽ നിന്നുമുളള ലൈംഗിക അതിക്രമങ്ങളടക്കം പരാതി നൽകിയിട്ടും പോലീസ് സഭയ്ക്കനുകൂലമായാണ് പ്രവർത്തിക്കുന്നതെന്ന് ഷാന്റി പറയുന്നു. കൂടാരത്തിനകത്ത് എത്തപ്പെട്ടാൽ ഉടൻ തന്നെ ഇവർ മറ്റൊരു വ്യക്തികളായി മാറുന്ന വിധത്തിലുളള ട്രയിനിംഗ് ആണ് നൽകുന്നത്. മാനസിക നില തെറ്റുന്ന ഇവർ അടിമകളായി മാറുന്നുവെന്നും ഷാന്റി മലയാളി വാർത്തയോട് പറഞ്ഞു.

എന്നെങ്കിലും ബോധോധയം ഉണ്ടായി തിരിച്ച് വരുന്നവരെ ഭീഷണിപ്പെടുത്തുകയും മ‍ർദ്ദിക്കുകയും ചെയ്യുന്നതായും ഷാന്റി പറഞ്ഞു. ഇവരുടെ പീഡനത്തിൽ മനം നൊന്ത് ഭർത്താവ് ആത്മഹത്യചെയ്തു. 2 കുഞ്ഞുങ്ങളുമായി ഞാനിനി എങ്ങനെ ജീവിക്കുമെന്നും ഷാന്റി മലയാളി വാർത്തയോട് വികാരനിർഭരമായി പറ‍ഞ്ഞു.
തൃശൂര്ർ ജില്ലയിലെ ഇരിങ്ങാലക്കുടയ്ക്ക് അടുത്ത് മൂരിയാട്ടെ എംപറര്ർ ഇമ്മാനുവൽ എന്ന പ്രസ്ഥാനത്തിലെ കൂടുതൽ തട്ടിപ്പുകൾ വരും ദിവസങ്ങളിലും മലയാളി വാർത്ത പുറത്തുവിടും.

ബിനു പളളിമൺ