അലപ്പുഴയിൽ സിപിഎം നേതാവ് എ..പി സോണയ്ക്കെതിരെ താൻ ലൈംഗികപരാതി നൽകിയിട്ടില്ലെന്ന യുവതിയുടെ വെളിപ്പെടുത്തലിൽ പകച്ചുനിൽക്കുകയാണ് പാ‍ർട്ടി ജില്ലാനേതൃത്വം..പാ‍ർട്ടി അൻ്വേഷണറിപ്പോർട്ട് കെട്ടിച്ചമച്ചതാണെന്നും വിഭാഗിയതയുടെ പേരിൽ ഏരിയാകമ്മറ്റി അംഗമായിരുന്ന സോണയെ ഇല്ലായ്മചെയ്യാനുള്ള ശ്രമങ്ങളാണ് ഇതിൽ നടന്നതെന്നും പരാതിക്കാരിയായ യുവതിയും സോണയുടെ സഹോദരിയും കഴിഞ്ഞദിവസം വാ‍ർത്താ സമ്മേളനത്തിൽ വ്യക്തമാക്കിയിരുന്നു...കടംവാങ്ങിയ ഒന്നരലക്ഷം രൂപാ തിരികെനൽകാൻ സോണ കാലതാമസം വരുത്തിയതിനെതുടർന്നാണ് സിപിഎം പ്രാദേശിക ഘടകത്തിൽ പരാതി നൽകിയതെന്നും ഇതിൽ ലൈഗിക പരാതി ഇല്ലായിരുന്നുവെന്നും യുവതി മലയാളി വാത്തയോട് പറഞ്ഞു.
യുവതിയുടെ പ്ലസ് വണ്ണിന് പഠിക്കുന്നമകളുടെ അശ്ലീലദൃശ്യങ്ങൾ സോണ മൊബൈലിൽ പകർത്തിയത് നാട്ടുകർ പിടികൂടിയെന്നും ഇതേഫോണിൽ നിന്ന് മറ്റ് ചില യുവതികളുടെ നഗ്നവീഡിയോകൾ കണ്ടെടുത്തെന്നുമൊക്കെയായിരുന്നു നേരത്തേയുള്ള വാ‍ർത്തകൾ..ഇതേതുടർന്ന് സോണയെ പാ‍ർട്ടിയിൽ നിന്ന് പുറത്താക്കുകയുംചെയ്തു....സിപിഎം മുൻ ഏരിയാകമ്മറ്റി അംഗം വിഷ്ണു,വിഷ്ണുവിന്റെ ബാര്യ,  ബ്രാഞ്ച് സെക്രട്ടറി മാവോ രാജു, എന്നിവർചേർന്ന്  തന്റെ സാമ്പത്തിക പരാതി വളച്ചൊടിച്ചതാണെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ മാഷിനെ നേരിൽകണ്ട് പറഞ്ഞിരുന്നതായും യുവതി പറയുന്നു..
പാ‍ർട്ടി ഭീഷണിമൂലം വാടകവീട് ഒഴിയേണ്ടിവരുമെന്നും മകളുടെ തുടർവിദ്യാഭ്യാസം പ്രയാസകരമായെന്നും  യുവതി വെളിപ്പെടുത്തി..
നേരത്തെ സിപിഎം ആലപ്പുഴ നഗരസഭ സ്റ്റാനഡിംഗ് കൗൺസിൽ ചെയർമാൻ എ.ഷാനവാസിന്റെ വാഹനത്തിൽനിന്ന് ലക്ഷങ്ങൾ വിലവരുന്ന മയക്കുമരുന്ന് പിടിച്ചെടുത്തിരുന്നു..ഈ സംഭവത്തിൽ ഷാനവാസിനെതിരെ ഒരുനടപടിയും ഉണ്ടായി്ട്ടുമില്ല..ഈ സംഭവം കുത്തിപ്പൊക്കാൻ കൂട്ടുനിന്നത് എ പി സോണയാണെന്നായിരുന്നു മറുവിഭാഗത്തിന്റെ വിലയിരുത്തൽ..ഇതിന്റെ വൈരാഗ്യംമൂലം സോണയെ നഗ്നവീഡിയോക്കേസിൽ കുടുക്കിയെന്നാണ് മറുപക്ഷത്തിന്റെ ആക്ഷേപം..എന്തായാലും ആലപ്പുഴയിലെ സിപിഎമ്മിനുള്ളിൽ വിഭാഗിയത  ഓരോദിനവും പുതിയതലങ്ങളിലേക്കാണ് നീങ്ങുന്നത്...