സാധാരണക്കാരൻ ലോണെടുത്ത് ഇലക്ട്രിക്ക് കാർ മേടിച്ചാലോ....സംഗതി പാടാണ് എന്നതാണ് പരമാർത്ഥം
ഇന്ധനലാഭം, വായുമലിനീകരണം എന്നിവയല്ലാം കണക്കിലെടുത്ത് ആഗോളതലത്തിൽതന്നെ ഇലക്ട്രിക് കാറിന് പ്രചാരമേറുകയാണല്ലോ..എന്നാൽ ഇതൊക്കെകണ്ടിട്ട് ഒരുസാധാരണക്കാരൻ ലോണെടുത്ത് ഇലക്ട്രിക്ക് കാർ മേടിച്ചാലോ....സംഗതി പാടാണ് എന്നതാണ് പരമാർത്ഥം.സാമ്പത്തികാവസ്ഥ മെച്ചപ്പെട്ടതല്ലെങ്കിൽ ഇത്തരം വാഹനങ്ങളുമായി ജീവിക്കാനാവില്ല.കാരണം ഇതിന്റെ ബാറ്ററി കേടായാൽ ഇത് മാറാനുള്ളചെലവാണ് പ്രധാനം .
പക്ഷെ പുതിയ കാറുകൾക്ക് എട്ടുവർഷംവരെ ബാറ്ററിക്ക് വാറണ്ടിയുണ്ടെന്ന ര്യം ഇവിടെ മറച്ചുവെക്കുന്നുമില്ല. ഭാവി ഇത്തരം വാഹനങ്ങളുടേതാണെന്ന് സമ്മതിക്കുമ്പോഴും വൈദ്യുത വാഹന ഉടമകള് നിരവധി പ്രതിസന്ധികളെ നേരിടുന്നുണ്ടെന്നത് മറക്കാനാവില്ല.
. ടാറ്റയും മാരുതി സുസുക്കിയും ഫോക്സ്വാഗണും ഹ്യുണ്ടേയും തുടങ്ങി വോള്വോയും ബിഎംഡബ്ല്യുവും ഔഡിയും ഫെരാരിയും ബുഗാട്ടിയും വരെ വൈദ്യുത വാഹനങ്ങള്ക്കായുള്ള പദ്ധതികള് വിശദമായി അവതരിപ്പിച്ചു കഴിഞ്ഞു. വൈദ്യുത വാഹനങ്ങള് വാങ്ങാന് തീരുമാനിക്കും മുമ്പേ സാധാരണക്കാർ നിശ്ചയമായും കണക്കിലെടുക്കേണ്ട ചിലവിഷയങ്ങളുണ്ട്..
നഗരങ്ങളിലെ യാത്രകള്ക്ക് വൈദ്യുത വാഹനങ്ങള് പെര്ഫെക്ട് ആകുമെന്നതിൽ തർക്കമില്ല.. ആവശ്യത്തിന് ചാര്ജിങ് സ്റ്റേഷനുകളുണ്ടെന്നതും വീട്ടില് നിന്നോ ഓഫിസില് നിന്നോ ചാര്ജ് ചെയ്യാന് സൗകര്യമുണ്ടാവുമെന്നതും ഇവയുടെ നഗര യാത്രകളെ സുഗമമാക്കുന്നു. എന്നാല് നഗര പരിധി വിട്ട് ഗ്രാമീണ തലത്തിലെ കയറ്റവും ഇറക്കവും കൊടുംവളവുകളും ഗട്ടറുകളുമൊക്കെയുള്ള വഴിയെത്തുമ്പോൾ സംഗതിമാറും
ദേശീയപാതകൾവിട്ട് ഗ്രാമങ്ങളിലേക്കെത്തിയാല് ചാര്ജിങ് സ്റ്റേഷനുകള് പ്രതീക്ഷിക്കുന്നതു പോലെ കാണില്ല. ആവശ്യത്തിനു ചാര്ജിങ് സ്റ്റേഷനുകള് രാജ്യമൊട്ടാകെ ലഭിക്കണമെങ്കില് ഇനുയും കാലങ്ങൾ ഏറെവേണം.
അടുത്തത് വിലയാണ്...
വൈദ്യുത വാഹനങ്ങളുടെ വില കൂടുതലാണെന്നത് എല്ലാവർക്കുമറിയാം.. അറ്റകുറ്റപ്പണികള് താരതമ്യേന കുറവാണെങകിലും മുടക്കുമുതല് ലാഭത്തിലാവാന് ഒന്നര ലക്ഷത്തോളം കിലോമീറ്റര് കാർ ഓടണമെന്നാണ് കണ്ടെത്തൽ.
മറ്റൊരുകാര്യം പത്ത് ലക്ഷം രൂപയ്ക്കുള്ളില് ഒരു വൈദ്യുത കാര് വേണമെന്ന് ആഗ്രഹിച്ചാൽ നല്ലൊരുവാഹനം തരപ്പെടുക പ്രയാസം. ഇന്ത്യക്കാര്ക്ക് മുന്നില് ടിയാഗോ കാർ മാത്രമാണ് ഈ വിലയ്ക്ക് ഇപ്പോൾകിട്ടുന്ന ഇലക്ട്രിക് വാഹനം. .
, ഉപയോഗിച്ച വാഹനങ്ങള്ക്ക് വില കിട്ടുമോ എന്ന ചോദ്യത്തിന് ഇന്നും വ്യക്തമായ ഉത്തരം ലഭിച്ചിട്ടില്ല. വൈദ്യുത വാഹന വിപണി ശൈശവ ദശയിലായതിനാല് ഉപയോഗിച്ച വാഹനങ്ങളുടെ വിലയെക്കുറിച്ചുള്ള ചര്ച്ചകള് കാര്യമായി ആരംഭിച്ചിട്ടില്ല എന്നതാണു കാരണം. സെക്കന്ഡ് ഹാന്ഡ് വിപണിയില് വൈദ്യുത വാഹനങ്ങളുടെ പ്രകടനം എങ്ങനെയിരിക്കുമെന്നത് കണ്ടു തന്നെ അറിയേണ്ട വിഷയമാണ്.
വ്യക്തമായ കണക്കുകൂട്ടലുകള്ക്കൊടുവില് മാത്രം, തങ്ങള്ക്ക് യോജിച്ചതാണെങ്കിൽമാത്രം ഇപ്പോള് വൈദ്യുത വാഹനങ്ങളെന്ന തീരുമാനമെടുക്കുന്നതായിരിക്കും ഉചിതം.
https://www.facebook.com/Malayalivartha