വയനാട് എംപിയും കോൺഗ്രസ് നേതാവുമായ രാഹുൽ ഗാന്ധിക്ക് വയനാട്ടിൽ വീട് നിർമ്മിച്ച് നൽകണമെന്ന് ആവശ്യപ്പെട്ട് ബിജെപി വക അപേക്ഷ. ബിജെപി വയനാട് ജില്ലാ അദ്ധ്യക്ഷൻ കെപി മധുവാണ് കൽപ്പറ്റ നഗരസഭാ സെക്രട്ടറിക്ക് അപേക്ഷ നൽകിയത്. പ്രധാനമന്ത്രി ആവാസ് യോജനയിൽ ഉൾപ്പെടുത്തി വീട് അനുവദിക്കണമെന്നാണ് അപേക്ഷ.

തനിക്ക് സ്വന്തമായ് ഭവനമില്ല എന്നും പറഞ്ഞതിന്റെ അടിസ്ഥാനത്തിൽ രാഹുൽ ഗാന്ധിക്ക് വയനാട് ജില്ലയുടെ സിരാകേന്ദ്രമായ കൽപ്പറ്റയിൽ തന്നെ പ്രധാനമന്ത്രി ആവാസ് യോജനയിൽ ഉൾപ്പെടുത്തി വീട് ലഭ്യമാക്കണമെന്ന്  ഈ അപേക്ഷയിൽ പറയുന്നു. വയനാട്ടിൽ അവധിക്കാലം ചെലവഴിക്കാനെത്തുന്ന എംപിക്ക് സ്വന്തം വീടിന് അനുയോജ്യമായ സ്ഥലം വയനാട് തന്നെയാണെന്നും കെപി മധു പറയുന്നു

അമ്പത്തിരണ്ട് വയസ്സു കഴിഞ്ഞിട്ടും തനിക്ക് സ്വന്തമായി ഒരു വീടില്ലെന്ന് രാഹുൽ ഗാന്ധി റായ്പൂരിൽ നടന്ന കോൺഗ്രസ് പ്ലീനറി സമ്മേളനത്തിൽ പറഞ്ഞിരുന്നു. ഇത് വൻ ട്രോളുകൾക്ക് വഴിവെച്ചിരുന്നു. പിന്നാലെയാണ് വീട് നിർമ്മിച്ച് നൽകണം എന്ന് ആവശ്യപ്പെട്ട് ബിജെപി വയനാട് ജില്ലാ നേതൃത്വം കൽപ്പറ്റ മുനിസിപ്പാലിറ്റിക്ക് അപേക്ഷ നൽകിയത്.
പൌരപ്രമുഖനായ രാഹുൽ രാജീവിന് വീടില്ലെങ്കിലത് രാജ്യത്തിനുതന്നെ നാണംകേടാണെന്നും ദില്ലിയിലോ വയനാട്ടിലോ വീടിനായി പിഎവൈ പദ്ധതി പ്രകാരം അപേക്ഷനൽകണമെന്നും ബിജെപി സംസ്ഥാന വക്താവ് സന്ദീപ് വചസ്പതി കഴിഞ്ഞദീവസം ഫേസ്ബുക്ക് പോസ്റ്റും ഇട്ടിരുന്നു.വിവാങം കഴിച്ച് സ്വന്തമായി കുടുംബമുള്ള ഭവനരഹിതർക്കാണ് വീടുകിട്ടുകയെന്നും അതിനാൽ വേഗം വിവാഹം കഴിക്കണമെന്നും ഇതിൽ സന്ദീപ് കുറിച്ചിട്ടുണ്ട്.എന്നാൽ കോടികളുടെ ആസ്ഥി ഉള്ളതിനാൽ അപേക്ഷ നിരസിക്കപ്പെടാമെന്നും അങ്ങനെയെങ്കിൽ ചാരിറ്റി പ്രവർത്തനത്തിലൂടെ വീടുവെച്ച് നൽകാമെന്നുമാണ് സന്ദീപിന്റെ പരിഹാസം.