പിതാവിനെ ക്രൂരമായി മർദ്ദിച്ചത് ചോദ്യം ചെയ്ത യുവാവിനെ കുത്തിപ്പൊരിക്കൽപ്പിച്ച കേസിൽ പ്രതി അറസ്റ്റിൽ. പൂയപ്പള്ളി  ഇളമാട് വേങ്ങൂർ ഷീജ മൻസിലിൽ 43 വയസ്സുള്ള ഷിബുവിനെയാണ് പൂയപ്പള്ളി പോലീസ് അറസ്റ്റ് ചെയ്തത്. ഇക്കഴിഞ്ഞ ഞായറാഴ്ച തേവന്നൂർ ദേവി ക്ഷേത്രത്തിലെ ഉത്സവം കാണാൻ എത്തിയ പ്രതി അതുവഴി വന്ന സുഹൃത്തിന്റെ പിതാവിനോട്‌ കടം വാങ്ങിയ 100 രൂപ തിരികെ നൽകാൻ ആവശ്യപ്പെട്ടു.

അതിനെ തുടർന്നുണ്ടായ വാക്ക് തർക്കമാണ് മർദ്ദനത്തിൽ കലാശിച്ചത്. വയോധികനെ മർദ്ദിച്ചു ഗുരുതരമായി പരിക്കേൽപ്പിച്ചു. ഈ സംഭവം അറിഞ്ഞ്  പ്രതിയുടെ അടുത്ത സുഹൃത്തും മർദ്ദനത്തിൽ  പരിക്കേറ്റ വയോധികന്റെ മകനുമായ 35 വയസുള്ള ഇളമാട് സ്വദേശി റിനു  ഇത് ചോദ്യംചെയ്തു തുടർന്ന് വാക്ക് തർക്കവും ഒടുവിൽ സംഘടനത്തിൽ കലാശിച്ചു. പ്രതി കൈയിൽ കരുതിയിരുന്ന കത്തി ഉപയോഗിച്ച്  റിനുവിന്റെ വയറ്റിൽ കുത്തുകയായിരുന്നു.

ഗുരുതരമായി പരിക്കേറ്റ റിനുവിനെ ആയുരിൽലുള്ള സ്വകാര്യ ആശുപത്രിയിൽ എത്തിക്കുകയും. തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ സർജറിക്ക് വിധേയമാക്കി വെന്റിലേറ്ററിലേക്ക് മാറ്റി. തുടർന്ന് പൂയപ്പള്ളി പോലീസ് ഇൻസ്പെക്ടർ ബിജു.ടി.എസിന്റെ നേതൃത്വത്തിൽ നടത്തിയ അന്വേഷണത്തിൽ ഒളിവിൽ പോയ പ്രതിയെ  അറസ്റ്റ് ചെയ്തു  കോടതിയിൽ ഹാജരാക്കി റിമാന്റ് ചെയ്തു.