ആറ്റുകാൽ പൊങ്കാല പ്രമാണിച്ച് സ്‌പെഷ്യൽ സർവ്വീസുകൾ അനുവദിച്ച് റെയിൽവേ. പൊങ്കാല ദിവസമായ മാർച്ച് ഏഴിന് നാഗർകോവിലിലേക്കും എറണാകുളത്തേക്കും അധിക സർവ്വീസുകൾ നടത്തുമെന്ന് റെയിൽവേ അറിയിച്ചു. ഏഴിന് പുലർച്ചെ 1.45-ന് എറണാകുളത്ത് നിന്ന് തിരുവനന്തപുരത്തേക്ക് കോട്ടയം വഴി പ്രത്യേക ട്രെയിൻ ഉണ്ടാകും. ഉച്ചയ്‌ക്ക് 2.45-ന് തിരുവനന്തപുരത്ത് നിന്ന് നാഗർകോവിലിലേക്കും ട്രെയിൻ സർവീസുണ്ട്. വൈകുന്നേരം 3.30-ന് തിരുവനന്തപുരത്ത് നിന്ന് കോട്ടയം വഴി എറണാകുളത്തേക്കും പ്രത്യേക ട്രെയിൻ സർവീസുകൾ നടത്തും.

തിരക്ക് നിയന്ത്രിക്കുന്നതിനായി അധിക ട്രെയിനുകൾക്ക് പുറമേ കൂടുതൽ കോച്ചുകളും അധിക സ്‌റ്റോപ്പുകളും ഒരുക്കും. അൺറിസർവ്ഡ് എക്‌സ്പ്രസുകൾക്കാണ് തിങ്കൾ, ചൊവ്വ ദിവസങ്ങളിൽ ,രണ്ട് ജനറൽ കോച്ചുകൾ അധികമായി അനുവദിച്ചത്.

ട്രെയിനുകളും അധികമായി അനുവദിച്ച സ്റ്റോപ്പുകളും:

16348– മംഗളൂരു-തിരുവന്തപുരം: പരവൂർ, കടയ്‌ക്കാവൂർ

16344 മധുര ജംഗ്ഷൻ – തിരുവനന്തപുരം അമൃത എക്‌സ്പ്രസ്: പരവൂർ, ചിറയിൻകീഴ്

16331 മുംബൈ സിഎസ്എംടി- തിരുവനന്തപുരം പ്രതിവാര എക്‌സ്പ്രസ്: പരവൂർ, കടയ്‌ക്കാവൂർ, ചിറയിൻകീഴ്, കഴക്കൂട്ടം

16603 മംഗളൂരു തിരുവനന്തപുരം മാവേലി എക്‌സ്പ്രസ്: കടയ്‌ക്കാവൂർ, ചിറയിൻകീഴ്

12695 എംജിആർ ചെന്നൈ സെൻട്രൽ തിരുവനന്തപുരം സൂപ്പർഫാസ്റ്റ്: ചിറയിൻകീഴ്

16606 നാഗർകോവിൽ ജംഗ്ഷൻ മംഗളൂരു സെൻട്രൽ ഏറനാട് എക്‌സ്പ്രസ്: കുഴിത്തുറൈ, പാറശാല, നെയ്യാറ്റിൻകര, ബാലരാമപുരം

16729 മധുര ജംഗ്ഷൻ – പുനലൂർ എക്‌സ്പ്രസ്: കുഴിത്തുറൈ, ബാലരാമപുരം

16650 നാഗർകോവിൽ മംഗളൂരു സെൻട്രൽ പരശുറാം എക്‌സ്പ്രസ്: ബാലരാമപുരം

12624 തിരുവനന്തപുരം ചെന്നൈ സെൻട്രൽ മെയിൽ: കഴക്കൂട്ടം, ചിറയിൻകീഴ്, കടയ്‌ക്കാവൂർ

12696 തിരുവനന്തപുരം ചെന്നൈ സെൻട്രൽ സൂപ്പർഫാസ്റ്റ്: കഴക്കൂട്ടം, ചിറയിൻകീഴ്‌