സൗദിയില്‍ വരും ദിവസങ്ങളില്‍ ശക്തമായ തണുപ്പ്; വിവിധ ഭാഗങ്ങളില്‍ ശക്തമായ തണുപ്പും അതോടൊപ്പം പൊടിക്കാറ്റും അനുഭവപ്പെടുമെന്ന് കാലാവസ്ഥ നിരീക്ഷകർ, ചില പ്രദേശങ്ങളില്‍ ഈ ദിനങ്ങളില്‍ താപ നില മൈനസ് 4 ഡിഗ്രി വരെ താഴുമെന്ന് മുന്നറിയിപ്പ്
സൗദിയില്‍ വരും ദിവസങ്ങളില്‍ ശക്തമായ തണുപ്പെന്ന് മുന്നറിയിപ്പ്. ചൊവ്വാഴ്ച മുതല്‍ ശനിയാഴ്ച വരെയുള്ള ദിനങ്ങളിലായിരിക്കും അനുഭവപ്പെടുക. രാജ്യത്തിന്‍്റെ വിവിധ ഭാഗങ്ങളില്‍ ശക്തമായ തണുപ്പും അതോടൊപ്പം പൊടിക്കാറ്റും ഉണ്ടാകുമെന്ന് റിപ്പോർട്ട്.
സൗദിയുടെ വടക്കന്‍ മേഖലകളിലെ ചില പ്രദേശങ്ങളില്‍ ഈ ദിനങ്ങളില്‍ താപ നില മൈനസ് 4 ഡിഗ്രി വരെ താഴുമെന്ന് കാലാവസ്ഥാ നിരീക്ഷണ വിഭാഗം മുന്നറിയിപ്പ് നൽകുകയുണ്ടായി. ഉയര്‍ന്ന മേഖലകളില്‍ മഞ്ഞുവീഴ്ചയും ഈയാഴ്ച ഉണ്ടാകുന്നതാണ്. ശക്തമായ മഴക്കും കാറ്റിനും സാധ്യതയുള്ളതായും കാലാവസ്ഥാ വിഭാഗം മുന്നറിയിപ്പ് നല്‍കുകയുണ്ടായി.
അതേസമയം രാജ്യത്ത് ഈ വര്‍ഷത്തെ കടുപ്പമേറിയ കാലാവസ്ഥയാകും അനുഭവപ്പെടുക. വടക്കന്‍ അതിര്‍ത്തി പ്രദേശങ്ങളില്‍ തണുപ്പ് പൂജ്യം ഡിഗ്രിക്ക് താഴെയെത്തുന്നതാണ്. ഹാഇല്‍, തുറൈഫ് അടക്കമുള്ള മേഖലകളിലും സമാന സ്ഥിതിയാകും ഉണ്ടാകുക. റിയാദില്‍ വ്യാഴാഴ്ചയോടെ തണുപ്പ് മൂന്ന് ഡിഗ്രിയായി താഴും. മധ്യ പ്രവിശ്യയിലും ദമ്മാം ഉള്‍പ്പെടെ കിഴക്കന്‍ പ്രവിശ്യയിലും പത്ത് ഡിഗ്രിക്ക് താഴെയാകും ഈയാഴ്ച തണുപ്പ് അനുഭവപ്പെടുക. മക്കയില്‍ ചൂട് 15 ഡിഗ്രിയിലേക്കും ജിദ്ദയില്‍ 20ലേക്കും താഴുമെന്നും കാലാവസ്ഥാ നിരീക്ഷണ വിഭാഗം അറിയിക്കുകയുണ്ടായി.
https://www.facebook.com/Malayalivartha
