കൊവിഡ് പ്രതിസന്ധി സൃഷ്‌ടിച്ച ആഘാതം, ഇതിലൂടെ പ്രഖ്യാപിച്ച യാത്ര നിരോധനം, വിവിധ മേഖലകളിലെ സ്വദേശിവൽക്കരണം എന്നീ പ്രശ്നങ്ങളില്‍ അകപ്പെട്ട് കുറച്ചു കാലമായി പ്രവാസികള്‍ ദുരിതത്തിൽ കഴിയുകയാണ്. എന്നാലിതാ ദുരിതങ്ങളും പ്രശ്നങ്ങളും അതിജീവിച്ച് വരുന്ന പ്രവാസികള്‍ക്ക് ഒരു സന്തോഷ വാര്‍ത്ത എത്തിയിരിക്കുകയാണ്. ദിർഹത്തിന്‍റെയും റിയാലിന്‍റെയും മൂല്യം ഉയരുന്നുവെന്ന റിപ്പോർട്ടുകളാണ് പുറത്ത് വരുന്നത്. യുഎഇയിലെ ഒരു ദര്‍ഹമിന് ഇന്ത്യയുടെ 20 രൂപയിലേറെ വിലയുണ്ട് എന്നാണ് കണക്ക്. അതായത്, ഇന്ത്യന്‍ രൂപ 1000 രൂപക്ക് സമാനമാണ് അൻപത് യുഎഇ ദിർഹം എന്നത്.

അതായത് കഴിഞ്ഞ നവംബറില്‍ ഒരു ദിർഹത്തിന് 20.350 രൂപ വരെ എത്തിയിരുന്നു. ആ റെക്കേര്‍ഡ് ഇപ്പോള്‍ മറികടക്കും എന്നാണ് പ്രവാസികള്‍ ഏവരും പ്രതീക്ഷിക്കുന്നത്. കൊറോണ വ്യാപന മൂലം കഴിഞ്ഞ കുറച്ചു നാളുകളായി പ്രവാസികള്‍ക്ക് വലിയ തിരിച്ചടിയാണ് നേരിടേണ്ടിവന്നിരുന്നത്. എണ്ണ വിലയിടിവ് ഗൾഫ് രാജ്യങ്ങളില്‍ വലിയ സാമ്പത്തിക പ്രശ്നങ്ങളാണ് ഉണ്ടാക്കിയത്. ഇത് പല പ്രവാസികളുടേയും ജോലിയെ തന്നെ സാരമായി ബാധിക്കുകയും ചെയ്തു. ആയതിനാൽ തന്നെ പ്രതിസന്ധികൾക്കിടയിൽ നില്‍ക്കുന്ന പ്രവാസികള്‍ക്ക് മൂല്യം ഉയരുന്നത് നല്ല വാര്‍ത്ത തന്നെയാണ്.

ഇതുകൂടാതെ ഇഖാമ പുതുക്കലും, കൊവിഡ് ടെസ്റ്റും മൂലം ചെലവുകളും കൂടിയിരുന്നു. എന്നാല്‍ കൊറോണ മൂലം ശമ്പള വര്‍ദ്ധനവ് ഉണ്ടായിരുന്നില്ല. ഗൾഫ് കറൻസികളുടെ മൂല്യം പതിയെ ഉയരുന്നത് വലിയ പ്രതീക്ഷയാണ് പ്രവാസികള്‍ക്ക് നല്‍കുന്നത് തന്നെ. 2010 ഫെബ്രുവരിയിൽ 12 ഇന്ത്യന്‍ രൂപയായിരുന്നു ഒരു ദിർഹത്തിന്‍റെ വില എന്നത്. എന്നാല്‍ ഇത് ഇപ്പോള്‍ പതിയെ ഉയര്‍ന്നു വരുകയാണ്. കൊവിഡ് കാരണം കമ്പനികള്‍ സാലറി വര്‍ദ്ധിപ്പിക്കുന്നില്ല. ചെറിയ തുകയില്‍ ജീവിക്കുന്ന പ്രവാസികള്‍ക്ക് മൂല്യ വര്‍ദ്ധനവ് വലിയ ആശ്വാസം ആണ് നല്‍കിയിരിക്കുന്നത്.

അതേസമയം 2014ൽ ഒരു ദിർഹമിന് 16 രൂപയായിരുന്നു. നാട്ടില്‍ ചെലവ് വര്‍ദ്ധിച്ചുവരുമ്പോള്‍ പല പ്രവാസികളും വലിയ ബുദ്ധിമുട്ടിലായിരുന്നു ജീവിച്ചു വരുന്നത്. ആയതിനാൽ തന്നെ ഗള്‍ഫ് കറന്‍സികള്‍ക്ക് മൂല്യം ഉയരുന്നത് പ്രവാസിക്ക് വലിയ ആശ്വാസം ആണ് നല്‍ക്കുന്നത്. വരും വര്‍ഷങ്ങളിലും കറന്‍സിയുടെ മൂല്യം ഉയരും എന്ന് തന്നെയാണ് പ്രവാസികളുടെ പ്രതീക്ഷ.