ലോകത്തിലെ ഏറ്റവും സമ്പന്നൻ ആരാണെന്ന ചോദ്യത്തിന് പലയാവർത്തി നമ്മളിൽ പലരും പറഞ്ഞ ഉത്തരം ബിൽ ഗേറ്റ്സ്. എന്നാൽ പിന്നീട് ആ പദവിയ്ക് അർഹനായി ആമസോൺ സ്ഥാപകൻ ജെഫ് ബെസോസ് ഇടം നേടിയപ്പോൾ ലോകത്തിലെ അതി സമ്പന്നനന്മാരുടെ പട്ടികയിൽ മൈക്രോസോഫ്ട് സ്ഥാപകൻ ബിൽഗേറ്റ്സ് രണ്ടാം സ്ഥാനത്തായി .എന്നാൽ ഇപ്പോൾ ബിൽഗേറ്റ്സ്ന് രണ്ടാം സ്ഥാനവും നഷ്ടടപെട്ടിരിക്കുകയാണ് . അത്യാഢംബര ഉല്‍പ്പന്നങ്ങള്‍ നിര്‍മ്മിക്കുന്ന പാരീസ് ആസ്ഥാനമാക്കിയുള്ള ബഹുരാഷ്ട്ര കമ്പനിയുടെ ചെയര്‍മാനും സി ഇ ഒയുമായ ബെര്‍ണാഡ് അര്‍നോള്‍ട്ടാണ് ബില്‍ ഗേറ്റ്സിനെ മറികടന്ന് സമ്പന്ന പട്ടികയില്‍ രണ്ടാം സ്ഥാനം കയ്യടക്കിയത്.

ബ്ലൂംബര്‍ഗിന്‍റെ അതിസമ്പന്നരുടെ പട്ടികയിലാണ് ഫ്രഞ്ചുകാരനായ അര്‍നോള്‍ട്ട് രണ്ടാം സ്ഥാനത്തെത്തിയത്. 108 ബില്ല്യണ്‍ യുഎസ് ഡോളറാണ് അര്‍നോള്‍ട്ടിന്‍റെ ആസ്തി. 39 ബില്ല്യണ്‍ യുഎസ് ഡോളറാണ് അര്‍നോള്‍ട്ടിന്‍റെ ആസ്തിയില്‍ വര്‍ധിച്ചത്. 500 സമ്പന്നര്‍ ഉള്‍പ്പെടുന്ന പട്ടികയില്‍ ഒരു വ്യക്തിയുടെ ഏറ്റവും ഉയര്‍ന്ന നേട്ടം കൂടിയാണിത്. ആമസോണ്‍ സ്ഥാപകന്‍ ജെഫ് ബെസോസാണ് പട്ടികയില്‍ ഒന്നാം സ്ഥാനത്ത്.125 ബില്ല്യണ്‍ യു എസ് ഡോളറാണ് അദ്ദേഹത്തിന്‍റെ ആസ്തി. 107 ബില്ല്യണ്‍ യു എസ് ഡോളര്‍ സമ്പാദ്യവുമായി ബില്‍ ഗേറ്റ്സ് പട്ടികിയില്‍ മൂന്നാം സ്ഥാനത്താണ്. അതേസമയം ഈ അടുത്ത കാലത്ത് ബിൽ ഗേറ്റ്സ് ബിസിനസ് ജീവിതത്തിൽ തനിക്ക് സംഭവിച്ച ഏറ്റവും വലിയ തെറ്റിനെക്കുറിച്ച് തുറന്നു പറഞ്ഞിരുന്നു .

ഗുഗിളിന്റെ ആന്‍ഡ്രോയ്ഡ് പ്ലാറ്റ്‌ഫോമിനെ ആപ്പിളിന്റെ ഒരേയൊരു എതിരാളിയായി ഇത്രത്തോളം വളരാന്‍ അനുവദിച്ചതാണ് മൈക്രോസോഫ്റ്റിന് പറ്റിയ ഏറ്റവും വലിയ തെറ്റ്. എതിരിടാന്‍ പറ്റിയ മൊബീല്‍ ഓപ്പറേറ്റിംഗ് സിസ്റ്റം വികസിപ്പിക്കാന്‍ മൈക്രോസോഫ്റ്റിന് സാധിക്കണമായിരുന്നു. മൈക്രോസോഫ്റ്റിന് അതില്‍ ഉറപ്പായും വിജയം നേടാന്‍ കഴിയുമായിരുന്നു, ഗേറ്റ്സ് പറഞ്ഞിരുന്നു. ലോകത്തിലെ ഏറ്റവും മികച്ച വിവരസാങ്കേതികവിദ്യാകമ്പനികളിൽ ഒന്നും ഏറ്റവും വലിയ സോഫ്റ്റ്‌വേർ കമ്പനിയുമാണ് അമേരിക്കയിലെ റെഡ്മണ്ട് ആസ്ഥാനമായി പ്രവർത്തിക്കുന്ന മൈക്രോസോഫ്റ്റ്. ബിൽ ഗേറ്റ്സ് എന്നറിയപ്പെടുന്ന വില്യം ഹെൻ‌റി ഗേറ്റ്സ് മൂന്നാമൻ ആണ് മൈക്രോസോഫ്റ്റിന്റെ ജീവവായു .