ഉറവിട മാലിന്യ സംസ്കരണ പ്രവര്ത്തനങ്ങള് ശക്തമാക്കുന്നതിന്റെ ഭാഗമായി നഗരത്തിലെ മുഴുവന് വീടുകള്ക്കും ബയോ കമ്പോസ്റ്റര് കിച്ചണ് ബിന്നുകള് നഗരസഭ സൗജന്യമായി നല്കുമെന്ന് തിരുവനന്തപുരം മേയര് കെ. ശ്രീകുമാര്
ഉറവിട മാലിന്യ സംസ്കരണ പ്രവര്ത്തനങ്ങള് ശക്തമാക്കുന്നതിന്റെ ഭാഗമായി നഗരത്തിലെ മുഴുവന് വീടുകള്ക്കും ബയോ കമ്പോസ്റ്റര് കിച്ചണ് ബിന്നുകള് നഗരസഭ സൗജന്യമായി നല്കുമെന്ന് തിരുവനന്തപുരം മേയര് കെ. ശ്രീകുമാര്.
നഗരത്തില് കോവിഡ് ഭീഷണിയും പകര്ച്ച വ്യാധികളുടെ ഭീഷണികളും ഒരു പോലെ നിലനിൽക്കുന്ന സാഹചര്യത്തിൽ പകര്ച്ചവ്യാധികള് തടയുന്നതിനായാണ് കിച്ചൻ ബിന്നുകൾ നൽകുന്നതെന്ന് മേയര് അറിയിച്ചു.
വീടുകളിലുണ്ടാകുന്ന ജൈവ മാലിന്യങ്ങളും അജൈവ മാലിന്യങ്ങളും പൊതുസ്ഥലങ്ങളില് അലക്ഷ്യമായി നിക്ഷേപിക്കുന്നതിലൂടെ പകര്ച്ചവ്യാധികള് ഉടലെടുക്കാനും പടര്ന്ന് പിടിക്കാനുമുള്ള സാധ്യത കണക്കിലെടുത്താണ് ജൈവ മാലിന്യങ്ങള് ഉറവിടത്തില് തന്നെ സംസ്കരിക്കാന് കഴിയുന്ന കിച്ചണ് ബിന് സംവിധാനം പ്രാവര്ത്തികമാക്കുന്നത് എന്ന് മേയര് വ്യക്തമാക്കി. ......
വീടുകളില് കിച്ചണ് ബിന് സ്ഥാപിക്കുന്നതിലൂടെ മാലിന്യങ്ങള് ദിവസവും കൈമാറുന്ന വീടുകളിലെ ആളുകളും മാലിന്യങ്ങള് ശേഖരിക്കുന്ന തൊഴിലാളികളും തമ്മിലുള്ള സമ്പര്ക്കം കുറയുകയും കോവിഡ് സുരക്ഷ ഉറപ്പാക്കാമെന്നും മേയര് വിലയിരുത്തി.
1800 രൂപ വിലയുള്ള മൂന്ന് തട്ടുകളുള്ള കിച്ചണ് ബിന് യൂണിറ്റാണ് വിതരണം ചെയ്യുക എന്നും ഇത് ഉപയോഗപ്പെടുത്തി അഞ്ചംഗ കുടുംബത്തിന് ശരാശരി രണ്ട് മാസക്കാലം വരെയുണ്ടാകുന്ന ജൈവമാലിന്യങ്ങള് സംസ്കരിച്ച് കമ്പോസ്റ്റാക്കി മാറ്റാന് കഴിയുമെന്നും മേയര് പറഞ്ഞു. ......
കിച്ചണ് ബിന് സ്ഥാപിക്കുന്ന വീടുകള്ക്ക് ആവശ്യമായ സഹായം നല്കുവാനായി 100 വാര്ഡുകളിലും ഹരിതകര്മ്മ സേനകളെ നിയോഗിച്ചിട്ടുള്ളതായും 300 വീടുകള്ക്ക് ഒരു ഗ്രീന് ടെക്നീഷ്യന് എന്ന നിലയില് നിയോഗിച്ചിട്ടുള്ളതായും കിച്ചണ് ബിന് സ്ഥാപിക്കുന്നവര്ക്ക് അതാതു പ്രദേശങ്ങളില് ചുമതലയുള്ള സര്വ്വീസ് പ്രൊവൈഡര്മാര് വന്ന് ശേഖരിക്കുമെന്നും മേയര് വ്യക്തമാക്കി. ....
ബയോ കമ്പോസ്റ്റര് കിച്ചണ് ബിന്നുകള് ആവശ്യമുള്ളവര്ക്ക് അസോസിയേഷന് ഭാരവാഹികള് വഴിയോ, ഹെല്ത്ത് ഇന്സ്പെക്ടര് ഓഫീസ് വഴിയോ ബന്ധപ്പെടാവുന്നതാണ്. കൂടുതല് വിവരങ്ങള്ക്ക് 9447308048, 7012211314, 8891966649 എന്നീ ഫോണ് നമ്പറുകളിലേക്ക് വിളിക്കാം
https://www.facebook.com/Malayalivartha