അന്തര്‍ദ്ദേശീയ വനിതാ ദിനത്തില്‍ വ്യത്യസ്ത ഓണ്‍ലൈന്‍ മത്സരങ്ങളുമായി എച്ച്.എല്‍.എല്‍ വെന്‍ഡിഗോ
സ്ത്രീ ശാക്തീകരണത്തിന്റെ ഭാഗമായ ഒരു മികച്ച നാഴികക്കല്ലാണ് അന്താരാഷ്ട്ര വനിതാദിനാചരണം. ആരോഗ്യം, വിദ്യാഭ്യാസം, സാമ്പത്തികം, രാഷ്ട്രീയം, തൊഴിൽ, കുടുംബം തുടങ്ങിയ മേഖലകളിൽ സ്ത്രീ നേടിയ മുന്നേറ്റത്തിന്റെ ഓർമ്മപ്പെടുത്തൽ കൂടിയാണ് ഈ ദിവസം.
ഇപ്പോഴിതാ അന്തര്‍ദ്ദേശീയ വനിതാ ദിനത്തോട് അനുബന്ധിച്ച് എച്ച്.എല്‍.എല്‍ ലൈഫ്‌കെയര്‍ ലിമിറ്റഡിന്റെ സാനിറ്ററി നാപ്കിന്‍ വെന്‍ഡിംഗ് മെഷീന്‍ ബ്രാന്‍ഡായ വെന്‍ഡിഗോ വ്യത്യസ്ത തലത്തിലുള്ള മത്സരങ്ങള്‍ സംഘടിപ്പിക്കുന്നു. സമൂഹത്തിന്റെ എല്ലാ മേഖലയിലും കരുത്തറിയിച്ച വനിതകളെ ആദരിക്കുന്ന തരത്തിലാണ് മത്സരങ്ങള്‍ സംഘടിപ്പിച്ചിരിക്കുന്നത്. 'സല്യൂട്ട് ഹെര്‍' എന്ന പേരിട്ടിരിക്കുന്ന ഫോട്ടോഗ്രാഫി മത്സരത്തിന്റെ പ്രമേയം കഠിനമായ 'തൊഴില്‍ രംഗത്ത് പ്രവര്‍ത്തിക്കുന്ന സ്ത്രീകള്‍' എന്നാണ്.
കൂടാതെ 'ഐ ആം സ്‌പെഷ്യല്‍ ബിക്കോസ്' എന്ന ചെറു പ്രബന്ധ മത്സരവും എച്ച്.എല്‍ എല്‍ സാനിറ്ററി നാപ്കിന്‍ ബ്രാന്റായ ഹാപ്പി ഡേയ്‌സ് ആസൂത്രണം ചെയിതിട്ടുണ്ട്. എന്‍ട്രികളുടെ അവസാന തീയതി മാര്‍ച്ച് 8. കൂടുതല്‍ വിവരങ്ങള്‍ എച്ച് എല്‍ എല്‍ ലൈഫ്‌കെയര്‍ ലിമിറ്റഡിന്റെ ഫേസ്ബുക്ക് പേജില്‍ ലഭ്യമാണ്. കേരളത്തിലെ വിവിധ സര്‍ക്കാര്‍ സ്‌കൂളിലും കോളേജുകളിലും ഓഫീസുകളിലുമായി മൂവായിരത്തോളം വെന്‍ഡിഗോ മെഷീനുകളും നാലായിരത്തില്‍പ്പരം ഇന്‍സിനിറേറ്ററുകളും എച്ച്.എല്‍.എല്‍ സ്ഥാപിച്ചിട്ടുണ്ട്.
എല്ലാ വർഷവും മാർച്ച് 8 ആം തീയതി ആചരിക്കുകയാണ്. ഈ ദിനത്തിന് ഒരുപാട് ചരിത്രനിമിഷങ്ങളുടെ ഓർമകൾ കൂടിയുണ്ട്. സ്വന്തം ജോലിസ്ഥലത്തെ സൗകര്യങ്ങളും ജീവിതസാഹചര്യങ്ങളും മെച്ചപ്പെടുത്താനായി സ്ത്രീകൾ നടത്തിയ മുന്നേറ്റത്തിന്റെ പിൻബലവും, വ്യവസായ കുത്തകകളുടെ ആധിപത്യത്തിനുമേൽ വിയർപ്പും ശക്തിയും കൊണ്ട് സ്ത്രീകൾ വരിച്ച വിജയത്തിന്റെ കഥയും അവയിൽ പ്രധാനപ്പെട്ടവ എന്നത്.
https://www.facebook.com/Malayalivartha
