വാക്കു തര്ക്കത്തിനൊടുവില്.... കാസര്കോട് മഞ്ചേശ്വരത്ത് ജ്യേഷ്ഠന് അനുജനെ കുത്തിക്കൊലപ്പെടുത്തി... പ്രതി ഒളിവില്
കാസര്കോട് മഞ്ചേശ്വരത്ത് ജ്യേഷ്ഠന് അനുജനെ കുത്തിക്കൊന്നു. കളായിയിലെ പ്രഭാകര നോണ്ടയാണ് കൊല്ലപ്പെട്ടത്. സഹോദരങ്ങള് തമ്മിലുള്ള തര്ക്കമാണ് കൊലപാതകത്തിലേക്ക് നയിച്ചതെന്നാണ് പൊലീസ് നല്കുന്ന വിവരം. പ്രതി ഒളിവിലാണ്. ശനിയാഴ്ച പുലര്ച്ചെയാണ് കൊലപാതകം നടന്നത്.
40 വയസുകാരനായ മഞ്ചേശ്വരം കളായിയിലെ പ്രഭാകര നോണ്ടയാണ് മരിച്ചത്. സഹോദരന് ജയറാം നോണ്ട കത്തി ഉപയോഗിച്ച് അനിയനെ കുത്തിക്കൊല്ലുകയായിരുന്നുവെന്ന് പൊലീസ്. പ്രഭാകര നോണ്ട താമസിക്കുന്ന വീട്ടില് വച്ചാണ് കൊല്ലപ്പെട്ടത്. കഴുത്തിലും നെഞ്ചിലുമടക്കം നിരവധി കുത്തുകള് ഏറ്റിട്ടുണ്ട്.
കുടുംബ കലഹത്തെ തുടര്ന്നാണ് ക്രൂരകൃത്യം നടന്നതെന്നാണ് പ്രാഥമിക വിവരമുള്ളത്. കൊല്ലപ്പെട്ട പ്രഭാകര നോണ്ടയും അമ്മയും ജയറാം നോണ്ടയും മാത്രമായിരുന്നു വീട്ടില് താമസിച്ചിരുന്നത്.കൊലക്കേസില് അടക്കം നിരവധി കേസുകളില് പ്രതിയാണ് കൊല്ലപ്പെട്ട പ്രഭാകര നോണ്ട. ജയറാം നോണ്ടയും നിരവധി കേസുകളില് പ്രതിയാണെന്ന് പൊലീസ് .
കൊലപാതകത്തിന് ശേഷം പ്രതി ജയറാം ഒളിവില് പോയി. ഇയാള് കര്ണാടകത്തിലേക്ക് കടന്നതായാണ് പൊലീസ് നിഗമനം.പോലീസ് അന്വേഷണം ഊര്ജ്ജിതമാക്കി.
"
https://www.facebook.com/Malayalivartha