വിവാഹ വേദിയിൽ കൂട്ടത്തല്ല്. ഉത്തർപ്രദേശിലെ ലഖ്‌നൗവിലെ അമിനാബാദിലാണ് സംഭവം നടന്നത്. അമിനാബാദ് പോലീസ് സ്റ്റേഷൻ പരിധിയിലെ ഗുംഗേ നവാബ് പാർക്കിന് സമീപത്തെ ബുദ്ധ ലാൽ ബദ്‌ലു പ്രസാദ് ധർമ്മശാലയില്‍ ഈ മാസം 9 -ാം തിയതി നടന്ന ഒരു വിവാഹം . ഈ വിവാഹ സൽക്കാരത്തിനിടെയാണ് തല്ലുണ്ടായത്. ആഘോഷത്തിന്‍റെ ഭാഗമായി ഡിജെ പാര്‍ട്ടിയുണ്ടായിരുന്നു. പാര്‍ട്ടിക്കിടെയാണ് സംഘര്‍ഷമുണ്ടായത്. വിവാഹാഘോഷത്തിനെത്തിയ സ്ത്രീകളെ അടക്കം തല്ലുന്ന കാഴ്ച്ചയാണ് കാണുവാൻ സാധിക്കുന്നത്.

പുരുഷന്മാര്‍ പരസ്പരം കസേരകള്‍ കൊണ്ട് തമ്മില്‍ തല്ലുന്നത് കാണാം. പലരും തലയ്ക്കും മറ്റുമായിരുന്നു അടിച്ചത്. ഇതിനിടെ ചിലരെ പിടിച്ച് മാറ്റാന്‍ സ്ത്രീകള്‍ ശ്രമിക്കുന്നുണ്ട് . അപ്പോൾ സ്ത്രീകള്‍ക്കും തല്ല് കിട്ടുന്നു. ചിലര്‍ ഒരു സ്ത്രീയെ കസേരകള്‍ക്കിടയിലേക്ക് തള്ളി മറിച്ചിടുന്നതും വീഡിയോയില്‍ കാണാം. കൂട്ട പൊരിച്ചില്‍ പ്രധാനഹാളില്‍ നിന്നും പുറത്തേക്ക് നീങ്ങുന്നു.

ഇതിനകം ഹാളിലെ കസേരകള്‍ പലതും ഒടിഞ്ഞ് കിടക്കുന്നതും കാണാം. സംഘര്‍ഷത്തില്‍ മൂന്ന് പേര്‍ക്ക് തലയ്ക്ക് സാരമായ പരിക്കേറ്റു. നിരവധി പേര്‍ക്ക് നിസാരമായ പരിക്കുകളുമേറ്റിരുന്നു. സംഘര്‍ഷത്തില്‍ പോലീസ് അന്വേഷണം തുടങ്ങി. കേസ് രജിസ്റ്റര്‍ ചെയ്തില്ലെന്ന് റിപ്പോര്‍ട്ട് പുറത്ത് വന്നിരിക്കുകയാണ് .

മൂന്ന് പേര്‍ പോലീസ് കസ്റ്റഡിയിലാണ്. എന്നാല്‍ എന്താണ് സംഘര്‍ഷത്തിന് കാരണമെന്ന് വ്യക്തമല്ലെന്നും കൂടുതല്‍ അന്വേഷണം നടത്തണമെന്നും അമിനാബാദ് പോലീസ് വ്യക്തമാക്കി. കല്യാണ വീട്ടിൽ ഉണ്ടാകുന്ന തല്ലുകൾ കല്യാണ വീട്ടിൽ ഉണ്ടാകുന്ന പല പല സംഭവങ്ങൾ ഇത്തരത്തിൽ വാർത്ത പ്രാധാന്യം നേടാറുണ്ട്.