'ബുധന് തേപ്പ് വേണ്ട'... വൈദ്യുതി ഉപയോഗം കുറയ്ക്കാന് പുതിയ തീരുമാനവുമായി നെല്ലിപ്പുഴ സ്കൂളിലെ വിദ്യാര്ത്ഥികള്
തൊട്ടാല് ഷോക്കടിക്കുംപോലെ തന്നെയാണ് ഇപ്പോള് വരുന്ന കറന്റ് ബില്ലും. വൈദ്യുതി ഉപയോഗം എങ്ങനെ കുറയ്ക്കാം എന്ന ആലോചനയില് ബുധനാഴ്ച ദിവസം ഇസ്തിരി ഇടാതെ വസ്ത്രം ധരിക്കാം എന്ന തീരുമാനത്തിലാണ് ഡി.എച്ച്.എസ്.എസ് നെല്ലിപ്പുഴ സ്കൂളിലെ വിദ്യാര്ത്ഥികളും അദ്ധ്യാപകരും അനദ്ധ്യാപകരും. തീരുമാനത്തിന് പിന്നാലെ നെല്ലിപ്പുഴ സ്കൂളിലെ സാമൂഹ്യശാസ്ത്ര ക്ലബിന്റെ ആഭിമുഖ്യത്തില് ഊര്ജ സംരക്ഷണ യജ്ഞം പദ്ധതിക്ക് തുടക്കം കുറിച്ചു.
പദ്ധതി ഉദ്ഘാടനം വൈദ്യുതി മന്ത്രി കെ.കൃഷ്ണന്കുട്ടി നിര്വഹിച്ചു. കാമ്പസിലെ മുഴുവന് വിദ്യാര്ത്ഥികളും അദ്ധ്യാപകരും അനദ്ധ്യാപകരും അടങ്ങുന്ന 4000ത്തോളം പേര് ബുധനാഴ്ച ദിവസം ഇസ്തിരി ഇടാതെ വസ്ത്രം ധരിച്ച് സ്കൂളില് വരുന്നതാണ് പദ്ധതി. 'ബുധന് തേപ്പ് വേണ്ട' പദ്ധതിയിലൂടെ 1500 യൂണിറ്റ് വൈദ്യുതി ലാഭിക്കാനും 10 ശതമാനം കറന്റ് ബില്ല് കുറക്കാനും കഴിയുമെന്ന് പ്രതീക്ഷിക്കുന്നു.
ബോധവത്കരണ ക്ലാസ് മണ്ണാര്ക്കാട് ഇലക്ട്രിസിറ്റി ഡിവിഷന് എക്സിക്യൂട്ടിവ് എന്ജിനീയര് മൂര്ത്തി, സബ് എന്ജിനീയര്മാരായ നാസര്, സുരേഷ് ബാബു എന്നിവര് നിര്വഹിച്ചു.പി.ടി.എ പ്രസിഡന്റ് പി.കെ.അബ്ബാസ് ഹാജിയുടെ അദ്ധ്യക്ഷനായി. സ്റ്റാഫ് സെക്രട്ടറി സി.കെ.റിയാസ്, സ്കൂള് മാനേജര് സമദ് ഹാജി, വൈസ് പ്രസിഡന്റ് ആലിപ്പൂ ഹാജി, മണ്ണാര്ക്കാട് മുന്സിപ്പല് കൗണ്സിലര് മുഹമ്മദ് ഇബ്രാഹിം, പ്രിന്സിപ്പല് മുഹമ്മദ് കാസിം സാര്, പ്രധാനാദ്ധ്യാപിക സൗത്ത് സലീം, സീനിയര് അസിസ്റ്റന്റ് കെ.പി.അബ്ദുസലീം, പി.ടി.എ വൈസ് പ്രസിഡന്റ് നൗഷാദ് വെള്ളപാടം, അദ്ധ്യാപകരായ അംജിത, തന്സീല, മുഹമ്മദ് ഷമീര്, അതിക്ക, സാലിം, അബ്ദുല് ജലീല്, ഷമീന, ഹസനത്ത്, ഉമ്മു സല്മ എന്നിവര് സംസാരിച്ചു.
https://www.facebook.com/Malayalivartha