കൊച്ചിയിൽ നടി ആക്രമിക്കപ്പെട്ട കേസിൽ ദിലീപിനെ അറസ്റ്റ് ചെയ്തപ്പോൾ മുതൽ പറഞ്ഞ് കേൾക്കുന്ന പേരാണ് മാഡം. സരിതാ നായരുടെ അഭിഭാഷകനായിരുന്ന ഫെനി ബാലകൃഷ്ണനാണ് മാഡത്തെ പറ്റി ആദ്യം സൂചന നൽകിയത്. സുനി അറസ്റ്റിലായ സമയത്ത് തന്നെ ഫെനി ഇത് പറഞ്ഞെങ്കിലും ആരും മുഖവിലയ്‌ക്കെടുത്തില്ല. പിന്നീട് ദിലിപിന്റെ അറസ്റ്റിന് ശേഷമാണ് ഫെനി പൊലീസിന് മാഡത്തെ പറ്റി സൂചന നൽകിയത് . ഈ മാഡം ആരെന്നുള്ള അന്വേഷണമാണ് ലക്ഷ്യയിലേയ്ക്കും കാവ്യയെയും അമ്മയെയും ചോദ്യം ചെയ്യുന്നതിലേയ്ക്ക് എത്തിച്ചത്.

എന്നാൽ അന്വേഷണത്തിൽ കാവ്യ, ശ്യാമള, മഞ്ജു ഇവരാരും തന്നെ മാഡം ആണെന്ന് കണ്ടെത്താൻ കഴിഞ്ഞില്ല. മാഡം ഒരു സാങ്കൽപ്പിക കഥാപാത്രമാണെന്ന് ചർച്ചകൾ വന്ന സമയത്താണ് പൾസർ സുനി രംഗത്തെത്തി ആ മാഡം ആരാണെന്ന് വി ഐ പി പറയുമെന്ന് പറഞ്ഞത്, ജയിലിലെ വി ഐ പി 16 ആം തീയതി ഇത് പറഞ്ഞില്ലെങ്കിൽ പൾസർ സുനി മാഡം ആരാണെന്ന് വെളിപ്പെടുത്തുമെന്നാണ് പറഞ്ഞത്.

നടിയെ ആക്രമിച്ച കേസിലെ മാഡം കെട്ടുകഥയല്ലെന്നാണ് സൂചന. ഇവരെ ഉടന്‍ അറസ്റ്റ് ചെയ്‌തേക്കുമെന്നും റിപ്പോര്‍ട്ടുകള്‍ ഉണ്ട്. ദിലീപിന്റെ ജാമ്യഹര്‍ജി പരിഗണിക്കുന്നതിന് മുമ്പ് മാഡത്തെ അറസ്റ്റ് ചെയ്യനാണ് അന്വേഷണ സംഘത്തിന്റെ നീക്കം. കേസിന്റെ ആദ്യഘട്ടം മുതല്‍ സംശയത്തിന്റെ നിഴലില്‍ നില്‍ക്കുന്ന ഒരു സംവിധായകന്റെ ഭാര്യയാണ് മാഡമെന്നാണ് സൂചന. പോലീസ് ഇക്കാര്യം ഏറെക്കുറെ ഉറപ്പിച്ചുവെന്നാണ് സൂചനകള്‍. വര്‍ഷങ്ങളായി സിനിമാ രംഗത്ത് നിരവധി ക്വട്ടേഷനുകൾ കൊടുത്തിട്ടുള്ള ഇവര്‍ പോലീസിന്റെ നോട്ടപ്പുള്ളിയാണ്. മാഡവും ദിലീപും തമ്മിലുള്ള ബന്ധം കോര്‍ത്തിണക്കാനുള്ള ശ്രമത്തിലാണ് പോലീസ്.

ദിലീപ്, കാവ്യ, പള്‍സര്‍ സുനി തുടങ്ങിയവരുമായി അടുത്ത ബന്ധം പുലര്‍ത്തുന്ന വ്യക്തിയാണ് മാഡം. ദിലീപിന്റെ വിദേശ പര്യടനങ്ങളില്‍ ഇവരുടെ സാന്നിധ്യം ഉണ്ടായിരുന്നോ എന്ന് പരിശോധിക്കുന്നതിനാണ് നേരത്തെ ട്രൂപ്പിലെ ചിലരെ ചോദ്യം ചെയ്തത്. അതേ സമയം ഇവരെ രക്ഷിക്കാന്‍ ഭര്‍ത്താവായ സംവിധായകന്‍ ശ്രമം തുടങ്ങിയതായും റിപ്പോര്‍ട്ടുകളുണ്ട്. ഇയാള്‍ രാഷ്ട്രീയ രംഗത്ത് പലരേയും ബന്ധപ്പെട്ട് ഭാര്യയെ രക്ഷിക്കാന്‍ ശ്രമം തുടങ്ങിയെന്നാണ് റിപ്പോര്‍ട്ട്.

അതേ സമയം നടി ആക്രമിക്കപ്പെട്ട സംഭവത്തിന് പിന്നിലുള്ള മാഡം സിനിമ നടിയെന്ന് പള്‍സര്‍ സുനി വെളിപ്പെടുത്തിയിരുന്നു. നടിയുടെ പേര് പതിനാറിന് വെളിപ്പെടുത്തുമെന്നും സുനി പറഞ്ഞു. കോട്ടയത്ത് കോടതിയില്‍ ഹാജരാക്കാന്‍ കൊണ്ടുവന്നപ്പോഴായിരുന്നു സുനിയുടെ പ്രതികരണം. മാഡം എന്നത് സാങ്കല്‍പ്പിക കഥാപാത്രമാണെന്നായിരുന്നു എന്നായിരുന്നു അന്വേഷണസംഘം കഴിഞ്ഞ ദിവസം വ്യക്തമാക്കിയിരുന്നത്. എന്നാല്‍ പോലീസിനെ തള്ളികൊണ്ട് അത്തരമൊരു വ്യക്തിയുണ്ടെന്നും, പതിനാറിന് പേര് വെളിപ്പെടുത്തുമെന്ന് വീണ്ടും ആവര്‍ത്തിച്ചിരിക്കുകയാണ് പള്‍സര്‍ സുനി.