പി സിജോർജ് എംഎൽഎയ്ക്ക് എതിരെ എത്തിക്സ് കമ്മറ്റി നടപടി എടുത്തേക്കും
കൊച്ചിയില് ആക്രമണത്തിന് ഇരയായ നടിയെ അധിക്ഷേപിച്ച പി സിജോര്ജ് എംഎല്എയ്ക്ക് നേരെ എത്തിക്സ് കമ്മറ്റി ഉടന് നടപടി എടുത്തേക്കും.പിസി ജോര്ജ് അധിക്ഷേപിച്ചെന്ന പരാതിയില് ജോര്ജിനെതിരായ പരാതി പരിശോധിക്കാന് ജോര്ജ് കൂടി അംഗമായ നിയമസഭാ എത്തിക്സ് കമ്മിറ്റിക്ക് വിട്ടേക്കുമെന്നാണ് സൂചന. സമിതിയില് നിന്ന് വിട്ടുനില്ക്കാന് ജോര്ജിനോട് സ്പീക്കര് ആവശ്യപ്പെട്ടേക്കും. നിയമസഭാ സമ്മേളനം അവസാനിക്കുന്ന ഈ മാസം 24ന് ശേഷമായിരിക്കും സമിതിയുടെ പരിഗണനയ്ക്ക് വിഷയം വിടുക.
ജോര്ജിന്റെ പരാമര്ശങ്ങള് മനുഷ്യത്വരഹിതമാണെന്നും സാധ്യമായ നടപടി സ്വീകരിക്കുമെന്നും സ്പീക്കര് പി. ശ്രീരാമകൃഷ്ണന് ഫേസ്ബുക്കിലൂടെ പ്രതികരിച്ചിരുന്നു. പി.സി.ജോര്ജിന്റെ നിലപാടിനെതിരെ സ്പീക്കര് പി.ശ്രീരാമകൃഷ്ണന് ഇന്ന് രാവിലെ രംഗത്തെത്തിയിരുന്നു. ജോര്ജിന്റെ പരാമര്ശങ്ങള് മനുഷ്യത്വ വിരുദ്ധമാണെന്നും സാധ്യമായ എല്ലാ നടപടിയുമെടുക്കുമെന്നും സ്പീക്കര് പി.ശ്രീരാമകൃഷ്ണന് വ്യക്തമാക്കിയിരുന്നു.
സ്ത്രീത്വത്തെ അപമാനിക്കുന്ന പ്രതികരണങ്ങള് നടത്തിയതിനു പി.സി.ജോര്ജിനെതിരെ സംസ്ഥാന വനിതാ കമ്മിഷന് കേസെടുത്തിട്ടുണ്ട്. വാര്ത്താസമ്മേളനത്തിലും ചാനല് അഭിമുഖങ്ങളിലും നടത്തിയ പരാമര്ശങ്ങള് നടിക്ക് അപമാനകരവും സ്ത്രീത്വത്തെ അപകീര്ത്തിപ്പെടുത്തുന്നതുമാണെന്നു വിലയിരുത്തിയാണു നടപടി. നിയമോപദേശങ്ങളുടെ അടിസ്ഥാനത്തിലാണു സ്വമേധയാ കേസെടുക്കാന് അധ്യക്ഷ എം.സി.ജോസഫൈന് നിര്ദ്ദേശം നല്കിയത്
ആക്രമണത്തിനിരയായ നടിയെ ആക്ഷേപിച്ചുള്ള പി സി ജോര്ജ് എംഎല്എയുടെ പ്രസ്താവന നിര്ഭാഗ്യകരമെന്നും പി സി ജോര്ജിനെതിരെ നടപടി സ്വീകരിക്കാന് സ്പീക്കര് തയ്യാറാകണമെന്നും വിമണ് ഇന് കളക്ടീവ് പ്രവര്ത്തകര് ഫെയ്സ്ബുക്കിലെഴുതിയ കുറിപ്പില് ആവശ്യപ്പെട്ടിരുന്നു.
https://www.facebook.com/Malayalivartha
