നടി ആക്രമിക്കപ്പെട്ട കേസില്‍ നടന്‍ ദിലീപ് അകത്തായത് മുതലുളള കഥ താരം ജയിലില്‍ ഇരുന്ന് എഴുതുകയാണ്. ഗോപാലകൃഷ്ണന്‍ എങ്ങനെ ദിലീപ് ആയി എന്ന കാര്യം ആത്മക്കഥയായി താരം എഴുതുന്ന തിരക്കിലാണ്. രാത്രിയും പകലും ഇതിന്റെ പണിപ്പുരയിലാണ് പ്രതിനായകന്‍ എന്നാണ് സഹതടവുകാരില്‍ നിന്ന് അറിയാന്‍ സാധിച്ചത്. അതുകൊണ്ട് തന്നെ മുടി മുറിക്കാനോ താടി വടിക്കാനോ താരം തയ്യാറാകുന്നില്ല. പുറത്തിറങ്ങിയ ശേഷം എഴുതിയതെല്ലാം ആത്മക്കഥയായി പ്രകാശനം ചെയ്യാനും പിന്നീട് ദിലീപിന്റെ ഉറ്റ സുഹൃത്തായ സംവിധായകനുമായി ഇത് സിനിമയാക്കാനുമാണ് പദ്ധതി.

ദിലീപ് പുറത്തിറങ്ങിയ ശേഷം താരമായി ഒരു ചിത്രം ചെയ്യുമെന്നും അതിന്റെ പ്രമേയം നടി ആക്രമിക്കപ്പെട്ട വിഷയം ആയിരിക്കുമെന്ന് ഈ സുഹൃത്ത് വ്യക്തമാക്കിയിരുന്നു. ദിലീപ് കഥയെഴുതുകയാണ് എന്ന വിവരം സിനിമ മേഖലയിലെ പലരേയും ഭയപ്പെടുത്തിയിരിക്കുകയാണ്. താരം ജയിലില്‍ ആയത് മുതല്‍ നടനെ എതിര്‍ത്ത് സംസാരിച്ച പുതുമുഖ നടന്മാരെ അടക്കം പ്രതിസന്ധിയിലാക്കാന്‍ കരുത്തുളള പുതിയ ആയുധമാണ് ദിലീപ് അണിയറിയല്‍ ഒരുക്കുന്നത്. ഈ വാര്‍ത്ത പുറത്ത് വന്നത് മുതലാണ് താരത്തിനെതിരെ തിരിഞ്ഞ പുതുമുഖങ്ങളടക്കം പലരും തങ്ങളുടെ നിലപാട് പിന്നീട് മാറ്റി പറഞ്ഞത്.

ഇതും വലിയ ചര്‍ച്ചയായിരുന്നു. അതേ സമയം ദിലീപിനെ ഭയക്കുന്നവരില്‍ ചിലര്‍ ഇപ്പോള്‍ താരത്തെ പുറത്തിറക്കാന്‍ വാദിക്കുകയാണ്. എല്ലാം നഷ്ടപ്പെട്ട ദിലീപ് ചില നഗ്ന സത്യങ്ങള്‍ പുറത്ത് പറയാന്‍ സാധ്യതയുണ്ടെന്ന കാര്യം നേരത്തെ പുറത്തു വന്നിരുന്നു. പക്ഷേ അതിന് താരം എന്ത് വഴിയാണ് സ്വീകരിക്കുക എന്ന കാര്യത്തില്‍ അനിശ്ചിതത്വം നിലനിന്നിരുന്നു. എന്നാല്‍ എല്ലാ പുകമറയും ലംഘിച്ച് താരം സിനിമയിലൂടെ തന്നെ പകരം വീട്ടുമെന്ന കാര്യം ഉറപ്പാണ്. മഞ്ജുവുമായുളള പിരിയലിന്റെ യഥാര്‍ത്ഥ കാരണവും കാവ്യയുമായുളള വിവാഹവും ‘അമ്മ’യിലെ ചില ഞെട്ടിക്കുന്ന രഹസ്യങ്ങളും തിരക്കഥയില്‍ ഉണ്ടാകുമെന്നാണ് സൂചന.

ദിപീപ് പുറത്തിറങ്ങിയാല്‍ രാമലീല റിലീസ് ചെയ്ത ശേഷം ജനപ്രിയ സ്ഥാനം വീണ്ടും ഉറപ്പിക്കാന്‍ താരം ആദ്യം തെളിയിക്കാന്‍ പോകുക തന്റെ നിരപരാധിത്വം ആയിരിക്കും. അതിന് ശേഷം ദിലീപിന്റെ തന്നെ നിര്‍മ്മാണ കമ്പനി ആകും സിനിമ നിര്‍മ്മിക്കുക.

അതേസമയം താരം ജയിലില്‍ കിടന്നപ്പോള്‍ കലാഭവന്‍ മണിയുടെ മരണത്തില്‍ താരത്തിന് പങ്കുണ്ടെന്നും നടി ആക്രമിക്കപ്പെട്ടതില്‍ തന്റെ ഉറ്റ സുഹൃത്തുക്കള്‍ക്ക് അടക്കം പങ്കുണ്ടെന്നും ചിലര്‍ ആരോപിച്ചിരുന്നു അതൊക്കെ തെറ്റാണെന്നും യഥാര്‍ത്ഥത്തില്‍ നടന്നത് എന്താണെന്ന് വെളിപ്പെടുത്താനും ദീലീപ് പുറത്തിറങ്ങിയ ശേഷം നീക്കം നടത്തും. 

അതേ സമയം നടിയെ ആക്രമിച്ച കേസില്‍ നടന്‍ ദിലീപിന്റെ ജാമ്യാപേക്ഷ പരിഗണിക്കുന്നത് ഹൈക്കോടതി വീണ്ടും മാറ്റി. കേസ് പരിഗണിക്കുന്നത് ചൊവ്വാഴ്ചത്തേക്കാണ് കോടതി മാറ്റിവച്ചത്. ഇത് മൂന്നാം തവണയാണ് ജാമ്യം തേടി ദിലീപ് കോടതിയിലെത്തുന്നത്. കഴിഞ്ഞ ആഴ്ചയും ഹര്‍ജി കോടതി മാറ്റി വച്ചിരുന്നു. ജാമ്യം നിരസിക്കാൻ പോലീസ് മുമ്പ് പറഞ്ഞ ന്യായങ്ങളൊന്നും ഇനി നിലനിൽക്കില്ലെന്നാണ് പ്രതിഭാഗത്തിന്‍റെ വാദം. കഴിഞ്ഞ മാസം പത്തിനായിരുന്നു നടിയെ ആക്രമിച്ച കേസിൽ സൂപ്പർ താരത്തെ പ്രത്യേക അന്വേഷണ സംഘം അറസ്റ്റ് ചെയ്തത്.