ഓണക്കാലത്ത് സ്പെഷ്യല് ട്രെയിന് ആവശ്യപ്പെട്ട് റെയില് മന്ത്രിക്ക് മുഖ്യമന്ത്രി പിണറായിയുടെ കത്ത്
ഓണക്കാലത്ത് സംസ്ഥാനത്തിന് കൂടുതല് സ്പെഷ്യല് ട്രെയിന് വേണമെന്ന് മുഖ്യമന്ത്രി പിണറായി വിജയന്. ഇക്കാര്യം ആവശ്യപ്പെട്ട് കേന്ദ്ര റെയില് മന്ത്രി സുരേഷ് പ്രഭുവിന് കത്തയച്ചു.
ഓണക്കാലത്തെ തിരക്ക് കണക്കിലെടുത്ത് ഇന്ത്യയിലെ പ്രധാന നഗരങ്ങളില് നിന്ന് കേരളത്തിലേക്കും തിരിച്ചും വേണ്ടത്ര സ്പെഷ്യല് ട്രെയിനുകള് അനുവദിക്കണമെന്നാണ് കത്തിലെ ആവശ്യം. ആഗസ്റ്റ് 25നും സെപ്തംബര് 10നും ഇടയ്ക്കുളള ദിവസങ്ങളില് കേരളത്തിലേയ്ക്കും തിരിച്ചും സ്പെഷല് ട്രെയിനുകള് അനുവദിക്കണമെന്നും സംസ്ഥാനം ആവശ്യപ്പെട്ടു.
ഓണക്കാലത്തെ തിരക്ക് കണക്കിലെടുത്ത് ഗള്ഫ് നാടുകളില്നിന്ന് കേരളത്തിലേക്കും തിരിച്ചും കൂടുതല് വിമാന സര്വീസ് അനുവദിക്കണമെന്ന് ആവശ്യപ്പെട്ട് കേന്ദ്ര സിവില് ഏവിയേഷന് മന്ത്രി അശോക് ഗജപതി രാജുവിനും മുഖ്യമന്ത്രി പിണറായി വിജയന് കത്തയച്ചു.
ആഗസ്റ്റ് 27നും സപ്തംബര് 15നും ഇടയ്ക്കുളള ദിവസങ്ങളില് വിദേശ വിമാന കമ്പനികള്ക്ക് ഉഭയകക്ഷി ധാരണ പ്രകാരം കൂടുതല് സീറ്റുകള് അനുവദിക്കണമെന്നും സംസ്ഥാനം ആവശ്യപ്പെട്ടു.
https://www.facebook.com/Malayalivartha
