ആരോഗ്യമന്ത്രി രാജിവയ്ക്കണമെന്ന് ആവശ്യപ്പെട്ട് പ്രതിപക്ഷ എം.എല്.എമാര് അനിശ്ചിതകാല സത്യാഗ്രഹം തുടങ്ങി
ഹൈക്കോടതിയുടെ രൂക്ഷവിമര്ശനം ഏറ്റുവാങ്ങിയ ആരോഗ്യമന്ത്രി കെ.കെ.ശൈലജ രാജിവയ്ക്കണമെന്ന് ആവശ്യപ്പെട്ട് പ്രതിപക്ഷത്തെ അഞ്ച് എം.എല്.എമാര് നിയമസഭയുടെ കവാടത്തില് അനിശ്ചിതകാല സത്യാഗ്രഹം തുടങ്ങി. ഷാഫി പറന്പില്, റോജി എം.ജോണ്, ടി.വി.ഇബ്രാഹിം, വി.പി.സജീന്ദ്രന്, എ.എം.ഷംസുദ്ദീന് എന്നിവരാണ് സമരം തുടങ്ങിയത്.
മന്ത്രി ശൈലജ മെഡിക്കല് ബില് അവതരിപ്പിക്കാന് എഴുന്നേറ്റതോടെയാണ് പ്രതിപക്ഷം പ്രതിഷേധവുമായി രംഗത്ത് വന്നത്. മന്ത്രിയ്ക്ക് അധികാരത്തില് തുടരാന് അര്ഹത നഷ്ടപ്പെട്ടെന്നും രാജിവയ്ക്കണമെന്നും പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. എന്നാല്, സര്ക്കാര് ഇത് ചെവിക്കൊണ്ടില്ല.
ഇതോടെ പ്രതിപക്ഷം ബഹളവുമായി സഭയുടെ നടുത്തളത്തില് ഇറങ്ങി. മന്ത്രി ശൈലജ രാജിവയ്ക്കുക, ബില് അവതരിപ്പിക്കാന് അനുവദിക്കരുത് തുടങ്ങിയ മുദ്രാവാക്യങ്ങളുമായി പ്രതിപക്ഷം പ്രതിഷേധിച്ചു. ഇതിനിടെ മെഡിക്കല് ബില്ലിന്റെ പകര്പ്പുകള് പ്രതിപക്ഷം കീറിയെറിയുകയും ചെയ്തു.
https://www.facebook.com/Malayalivartha
