ആരോഗ്യ മന്ത്രി കെ.കെ.ശൈലജയുടെ രാജി ആവശ്യപ്പെട്ട് സഭയില് രണ്ടാം ദിവസവും പ്രതിപക്ഷ ബഹളം
ആരോഗ്യ മന്ത്രി കെ.കെ.ശൈലജയുടെ രാജി ആവശ്യപ്പെട്ട് നിയമസഭയില് രണ്ടാം ദിവസവും പ്രതിപക്ഷ ബഹളം. രാവിലെ ചോദ്യോത്തരവേള ആരംഭിച്ചപ്പോള് പ്രതിപക്ഷാംഗങ്ങള് പ്ളക്കാര്ഡുകളും ബാനറുകളുമായി ബഹളം ഉയര്ത്തുകയായിരുന്നു. ശൈലജ രാജിവയ്ക്കുക, ഇല്ലെങ്കില് മന്ത്രിസഭയില് നിന്ന് മുഖ്യമന്ത്രി പുറത്താക്കുക തുടങ്ങിയ മുദ്രാവാക്യങ്ങള് മുഴക്കിയായിരുന്നു പ്രതിപക്ഷ പ്രതിഷേധം.
ശാന്തരാവാന് സ്പീക്കര് ആവശ്യപ്പെട്ടെങ്കിലും പ്രതിപക്ഷം ചെവിക്കൊണ്ടില്ല. ബഹളത്തിനിടയിലും മുഖ്യമന്ത്രി പിണറായി വിജയന് ചോദ്യങ്ങള്ക്ക് മറുപടി പറയുന്നത്. തുടര്ന്നു. അതേസമയം, മന്ത്രിയുടെ രാജി ആവശ്യപ്പെട്ട് അഞ്ച് പ്രതിപക്ഷ എം.എല്.എമാര് നിയമസഭാ കവാടത്തില് സത്യാഗ്രഹം തുടരുകയാണ്.
വി.പി.സജീന്ദ്രന്, എന്.ഷംസുദ്ദീന്, റോജി എം.ജോണ്, എല്ദോസ് കുന്നപ്പള്ളി, ടി.വി.ഇബ്രാഹിം എന്നിവരാണ് സത്യാഗ്രഹം നടത്തുന്നത്. സമ്മേളനം അവസാനിക്കുന്ന വ്യാഴാഴ്ച വരെ സത്യാഗ്രഹം തുടരാനാണ് തീരുമാനം.
https://www.facebook.com/Malayalivartha
