മാഡം നിരപരാധിയെന്ന് വെളിപ്പെടുത്തി പൾസർ സുനി. നടിയെ ആക്രമിച്ച കേസിൽ മാഡത്തിന് പങ്കില്ലെന്നും പൾസർ സുനി വ്യക്തമാക്കി. സുനിയുടെ വെളിപ്പെടുത്തൽ കുന്നംകുളം മജിസ്ട്രേറ്റ് കോടതയിൽ എത്തിച്ചപ്പോൾ. നേരത്തെ നടി ആക്രമിച്ച കേസിൽ മാഡത്തിന്റെ ഇടപെടലുണ്ടെന്ന് പൾസർ സുനി വെളിപ്പെടുത്തിയിരുന്നു. മാഡം ആരാണെന്ന് വെളിപ്പെടുത്തുമെന്ന് നേരത്തെ രണ്ട് തവണ പള്‍സര്‍ സുനി പറഞ്ഞിരുന്നു. മാഡം സിനിമാ മേഖലയില്‍ നിന്നുളളയാളാണെന്നും പള്‍സര്‍ സുനി പറഞ്ഞിരുന്നു. നടിയെ ആക്രമിച്ച കേസില്‍ മാഡം ഒരു കെട്ടുകഥയല്ലെന്ന് പള്‍സര്‍ സുനി നേരത്തെ പറഞ്ഞിരുന്നു.

മാഡം സിനിമാ രംഗത്തു നിന്നുതന്നെയുള്ളയാളാണ്. അക്കാര്യം വി.ഐ.പി തന്നെ പറയട്ടെ. 16ാം തിയതിക്കുള്ളില്‍ മാഡം ആരാണെന്ന് വി.ഐ.പി പറഞ്ഞില്ലെങ്കില്‍ താന്‍ മാധ്യമപ്രവര്‍ത്തകരോട് പേര് വെളിപ്പെടുത്തുന്നുവെന്നുമാണ് സുനി പറഞ്ഞത്. കേസിന്റെ മുഖ്യ ആസൂത്രക ഒരു മാഡം ആണെന്ന് പള്‍സര്‍ സുനി നേരത്തേ വെളിപ്പെടുത്തിയിരുന്നു. എന്നാല്‍ അറസ്റ്റിലായ നടന്‍ ദിലീപിനെ രക്ഷിക്കാന്‍ വേണ്ടി കെട്ടിച്ചമച്ച കഥയാണ് മാഡത്തിന്റേത് എന്നായിരുന്നു അന്വേഷണ ഉദ്യോഗസ്ഥര്‍ വിശ്വസിച്ചിരുന്നത്.