ഓണം പ്രമാണിച്ച് ഷാര്ജയില് നിന്ന് 18 വിമാനസര്വീസ് നടത്തുമെന്ന് മുഖ്യമന്ത്രി
24 AUGUST 2017 08:47 AM IST
മലയാളി വാര്ത്ത
ഓണം പ്രമാണിച്ച് ആഗസ്റ്റ് 27 മുതല് സെപ്തംബര് 10 വരെ ഷാര്ജയില് നിന്ന് എയര് ഇന്ത്യ എക്സ് പ്രസ് 18 വിമാന സര്വീസ് നടത്തുമെന്ന് മുഖ്യമന്ത്രി പിണറായി വിജയന് പറഞ്ഞു. ഇതിന്റെ ടിക്കറ്റ് ബുക്കിംഗ് തുടങ്ങി. പകരമായി എയര് അറേബ്യ വിമാനം സര്വീസ് നടത്തണമെന്നാണ് ഷാര്ജ അധികൃതര് ആവശ്യപ്പെട്ടിരിക്കുന്നത്.
ഇക്കാര്യം കാണിച്ച് കേന്ദ്ര സര്ക്കാരിന് കത്തയച്ചിരിക്കുകയാണെന്ന് ഗള്ഫിലെ വിമാനയാത്രക്കൂലി വര്ദ്ധനവിനെപ്പറ്റിയുളള രാജു എബ്രഹാമിന്റെ സബ്മിഷന് മറുപടിയായി മുഖ്യമന്ത്രി പറഞ്ഞു.
വിദേശ രാജ്യങ്ങളില് നിന്ന് തൊഴില് നഷ്ടപ്പെട്ട് മടങ്ങിവരുന്നവരെ പുനരധിവസിപ്പിക്കാന് പദ്ധതി തയ്യാറാക്കി വരികയാണ്. സ്വയം തൊഴില് കണ്ടെത്താന് നോര്ക്ക വഴി വായ്പ നല്കുമെന്നും മുഖ്യമന്ത്രി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
