ഉറങ്ങിക്കിടന്ന കുഞ്ഞിനെ തട്ടിയെടുത്ത് വഴിയില് ഉപേക്ഷിച്ചു
ഉമ്മയ്ക്കൊപ്പം ഉറങ്ങിക്കിടന്ന ഒന്നര വയസ്സുകാരനെ കള്ളന്മാര് തട്ടിയെടുത്ത് ഒന്നര പവന് മാലയും ഒരു പവന്റെ അരഞ്ഞാണവും കവര്ന്നു. തുടര്ന്നു വീട്ടില്നിന്നു നൂറു മീറ്റര് അകലെ കിടക്കവിരിയില് പൊതിഞ്ഞ കുഞ്ഞിനെ റോഡരികില് ഉപേക്ഷിച്ചു. ഈ സംഭവമറിഞ്ഞതോടെ അമ്മമാര്ക്ക് രാത്രിയില് മനസ്സമാധാനത്തോടെ കിടന്നുറങ്ങാന് കഴിയാതെയായി.
ആലപ്പുഴ ചെറിയനാട് പഞ്ചായത്തിലെ കൊല്ലകടവ് ഗവ. മുഹമ്മദന്സ് ഹൈസ്കൂളിനു സമീപം തടത്തില് പി.എല്.അനീഷിന്റെയും അന്സീനയുടെയും മകന് അമാന് അഹമ്മദിനെയാണു തട്ടിയെടുത്തശേഷം ഉപേക്ഷിച്ചത്. ഇന്നലെ പുലര്ച്ചെ മൂന്നുമണിയോടെയാണു സംഭവം നടന്നത്.
അന്സീനയുടെ കഴുത്തില് കിടന്ന മാല പൊട്ടിച്ചെങ്കിലും ബഹളം വച്ചതോടെ കള്ളന്മാര് ആഭരണം ഉപേക്ഷിച്ചു കടന്നുകളഞ്ഞു. വീട്ടുകാരും അയല്വാസികളും നടത്തിയ തിരച്ചിലിലാണു കുഞ്ഞിനെ കണ്ടെത്തിയത്. വീടിന്റെ മുകള്നിലയുടെ പണി നടക്കുന്നതിനാല് ടെറസിലെ വാതില് തുറന്നു കിടന്നിരുന്നു. ഇതുവഴിയാകാം മോഷ്ടാക്കള് അകത്തു കടന്നതെന്നു കരുതുന്നു.
അടുക്കളയില്നിന്നെടുത്ത മണ്ണെണ്ണ, പരിസരത്താകെ മോഷ്ടാക്കള് ഒഴിച്ചിരുന്നു. അമാന്റെ പിതാവ് അനീഷ് സൗദിയിലാണ്.
https://www.facebook.com/Malayalivartha
