നടൻ മോഹൻലാലിന് ഡോക്ടറേറ്റ് നൽകാൻ കാലിക്കറ്റ് സർവകലാശാല തീരുമാനിച്ചു. മോഹൻലാലിനു പുറമേ കായികതാരം പി.ടി. ഉഷ, ഷാർജ ഭരണാധികാരി ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി എന്നിവർക്കും ഡോക്ടറേറ്റ് നൽകും.

സെപ്റ്റംബർ 26ന് തേഞ്ഞിപ്പാലത്തെ കാലിക്കറ്റ് സർവകലാശാല ആസ്ഥാനത്ത് രാവിലെ 11ന് നടക്കുന്ന ചടങ്ങിൽ ബിരുദം വിതരണം ചെയ്യും.

തങ്ങളുടെ മേഖലകളിലെ മികച്ച പ്രവർത്തനങ്ങളും സേവനങ്ങളും നേട്ടങ്ങളും പരിഗണിച്ചാണു ഡോക്ടറേറ്റ് നൽകുന്നതെന്ന് രജിസ്ട്രാർ അറിയിച്ചു.