നളിനി നെറ്റോ വ്യാഴാഴ്ച വിരമിക്കുന്ന ഒഴിവിലേക്ക് കെ.എം.എബ്രഹാമിനെ പുതിയ ചീഫ് സെക്രട്ടറിയായി നിയമിക്കാന്‍ സര്‍ക്കാര്‍ തീരുമാനിച്ചു. ഇന്നു ചേര്‍ന്ന മന്ത്രിസഭാ യോഗത്തിന്റേതാണ് തീരുമാനം. കിഫ്ബിയുടെ ചുമതലയും എബ്രാഹാം വഹിക്കും. നളിനി നെറ്റോ കഴിഞ്ഞാല്‍ കേരള കേഡറില്‍ ഏറ്റവും സീനിയറായ ഉദ്യോഗസ്ഥനാണ് എബ്രാഹം. 1980 ബാച്ചില്‍പ്പെട്ട അദ്ദേഹം ഡിസംബറില്‍ വിരമിക്കും. 

സര്‍വീസില്‍ നിന്ന് വിരമിക്കുന്ന നളിനി നെറ്റോയെ മുഖ്യമന്ത്രിയുടെ ഓഫീസിന്റെ ചുമതലയുള്ള പ്രിന്‍സിപ്പല്‍ സെക്രട്ടറിയായി നിയമിക്കാനും മന്ത്രിസഭാ യോഗം തീരുമാനിച്ചിട്ടുണ്ട്. പിണറായി വിജയന്‍ മുഖ്യമന്ത്രിയായി ചുമതലയേല്‍ക്കുമ്പോള്‍ മുഖ്യമന്ത്രിയുടെ ഓഫീസിന്റെ ചുമതല നളിനി നെറ്റോയ്ക്കായിരുന്നു.