ജനസംഖ്യാടിസ്ഥാനത്തില്‍ ലോകത്ത് ഏറ്റവും കുറവ് കോവിഡ് രോഗികള്‍ ഇന്ത്യയിലെന്ന് ലോകാരോഗ്യ സംഘടന യുടെയുടെ വെളിപ്പെടുത്തൽ .പത്തുലക്ഷംപേരില്‍ ലോകത്ത് ഏറ്റവും കുറവ് കോവിഡ് രോഗികള്‍ ഇന്ത്യയിലെന്ന് ലോകാരോഗ്യ സംഘടന വ്യക്തമാക്കി . പത്തുലക്ഷത്തില്‍ 505.37 ആണ് ഇന്ത്യയില്‍ രോഗബാധിതരുടെ നിരക്ക്. ആഗോളതലത്തില്‍ ഇത് 1453.25 ആണ്.ചിലിയില്‍ പത്തുലക്ഷത്തില്‍ 15,459.8, പെറുവില്‍ 9070.8, അമേരിക്കയില്‍ 8560.5, ബ്രസീലില്‍ 7419.1, സ്‌പെയിനില്‍ 5358.7 എന്നിങ്ങനെയാണ് രോഗബാധിതരുടെ നിരക്ക് ഇപ്പോൾ രാജ്യത്ത് ഉള്ളത് .

പത്തുലക്ഷം പേരില്‍ മരണനിരക്ക് കുറവ് ഇന്ത്യയിലാണെന്നും ലോകാരോഗ്യസംഘടന . 14.27 ആണ് ഇന്ത്യയില്‍ പത്തുലക്ഷം പേരിലെ മരണനിരക്ക്. ആഗോളതലത്തില്‍ ഇത് നാലിരട്ടി പിന്നിട്ട് 68.29 ആണ്.ബ്രിട്ടനില്‍ 651.4, സ്‌പെയിനില്‍ 607.1, ഇറ്റലിയില്‍ 576.6, ഫ്രാന്‍സില്‍ 456.7, യുഎസില്‍ 391.0 എന്നിങ്ങനെയാണ് പത്തുലക്ഷം പേരിലെ മരണനിരക്ക്.രോഗമുക്തരുടെ എണ്ണം 4.4 ലക്ഷത്തോടടുക്കുന്നു; രോഗമുക്തരുടെ എണ്ണം ചികിത്സയിലുള്ളതിനേക്കാള്‍ 1.8 ലക്ഷത്തിലേറെ രോഗമുക്തി നിരക്ക് 61 ശതമാനം പിന്നിട്ടു.ആശുപത്രി സൗകര്യങ്ങള്‍ കൃത്യമായും ഫലപ്രദമായും ഉപയോഗപ്പെടുത്തിയാണ് ഇന്ത്യ കോവിഡ് 19 നെ നേരിടുന്നത്. ഓക്‌സിജന്‍ പിന്തുണ, ഐസിയു, വെന്റിലേറ്റര്‍ സൗകര്യങ്ങള്‍ എന്നിവയൊക്കെ രാജ്യം സജ്ജമാക്കിയിട്ടുണ്ട്. ജൂലൈ 7 വരെയുള്ള കണക്കനുസരിച്ച്‌ 1201 പ്രത്യേക കോവിഡ് ആശുപത്രികളാണ് രാജ്യത്തുള്ളത്. 2611 ഡെഡിക്കേറ്റഡ് കോവിഡ് ഹെല്‍ത്ത് കെയര്‍ സെന്ററുകളും 9909 കോവിഡ് കെയര്‍ സെന്ററുകളും രാജ്യത്തുണ്ട്.